Historyka-biełarusku z Polščy Lenu Hłahoŭskuju nie puścili ŭ Biełaruś
Historyk i staršynia Biełaruskaha tavarystva «Chatka» ŭ Hdańsku nie zmoža ŭziać udzieł u mižnarodnaj kanfierencyi ŭ Hrodnie.
Kanfierencyju arhanizuje Tavarystva biełaruskaj škoły, jaje tema — «Ludzi daŭniaj Harodni»
U konsulstvie ŭ Biełastoku joj nie patłumačyli pryčyny admovy ŭ vizie i paraili pisać u Ministerstva zamiežnych spravaŭ.
— Ja zvyčajna pracuju jak navukovy supracoŭnik va ŭniviersitecie i zajmajusia navukaj, a nie palitykaj. Ja mieła vystupać pra Alaksandru Bierhman — viadomuju historyka kultury i kamunistku, pieršuju daśledčycu žyćcia Taraškieviča».
Lena Hłahoŭskaja źbirajecca napisać zapyt asabista ministru zamiežnych spravaŭ Uładzimiru Makieju. Pavodle jaje słovaŭ, joj udvaja prykra, bo akramia udziełu ŭ całkam niepalityčnaj kanfierencyi, jana chacieła naviedać na Dziady mahiły svaich
Niadaŭna ŭ Hrodnie dacenta Čarniakieviča zvolnili z pracy va ŭniviersitecie, inšych historykaŭ vyklikali ŭ KDB z pryčyny ŭdziełu ŭ napisańni knihi pa historyi horada «Hrodnaznaŭstva». Hrodzienskija historyki majuć ciesnyja navukovyja suviazi z historykami Polščy, jakija zajmajucca Biełaruśsiu. A tam hetym zajmajucca zbolšaha ludzi biełaruskaha pachodžańnia.
Lena Hłahoŭskaja — vydatny archivist, jakaja adkryła ŭnikalnyja materyjały pra mnohich biełaruskich dziejačoŭ minułaha. Jana adšukała naščadkaŭ Franciška Alachnoviča, Jazepa Farbotki, pisała pra Jazepa Najdziuka, viadzie rubryku ŭ «Časopisie» biełarusaŭ Polščy.
Kamientary