Andrej Čarniakievič admoviŭsia ad premii Jadkoŭskaha: nie chaču prymać premii za palityku, a nie za navuku
Haradzienski historyk, adzin z suaŭtaraŭ našumiełaha «Hrodnaznaŭstva», niečakana abjaviŭ demarš, nazvaŭšy vybar rady premii palityčnym.
Uručeńnie ŭznaharody zaplanavana tolki na 3 listapada, ale hałoŭny pretendent na ŭznaharodu, zvolnieny naprykancy vieraśnia z Haradzienskaha dziaržaŭnaha ŭniversytetu dacent Andrej Čarniakievič, užo admoviŭsia ad premii. Svajo rašeńnie historyk patłumačyŭ palityzavanaściu ŭznaharody.
Premiju imia Juzafa Jadkoŭskaha haradzienskaja intelihiencyja inicyjavała niekalki tydniaŭ tamu.Uznaharoda była zasnavanaja dziela padtrymki navukoŭcaŭ i pradstaŭnikoŭ tvorčaj intelihiencyi, pracy jakich stali važnym unioskam u vyvučeńnie minułaha Horadni. Favarytam premii ad pačatku ličyŭsia historyk Andrej Čarniakievič, adzin z suaŭtaraŭ knihi «Hrodnaznaŭstva», što pabačyła śviet u knižnaj seryi «Haradzienskaja Biblijateka», i šerahu inšych vydańniaŭ, jakija zdabyli papularnaść u haradziencaŭ. Kniha pryjšłasia niedaspadoby miascovym ideolaham, jakija ŭhledzieli ŭ joj kramołu: nacyjanalnuju symboliku j adsutnaść uzhadki pra pieršaha prezydenta Biełarusi. Knihu kanfiskoŭvali z kniharniaŭ i biblijatek.
Dniami u Horadni adbyłosia pasiedžańnie rady premii. Padčas sustrečy było abvieščana, što Andrej Čarniakievič admoviŭsia ad uznaharody, abvinavaciŭšy siabroŭ rady š tym, što padčas vybary pieramožcy jany kiravalisia nie navukovymi, a palityčnymi kryterami.
Hetuju infarmacyju paćvierdziŭ adzin z zasnavalnikaŭ premii imia Juzafa Jadkoŭskaha, prafesar Aleś Smalančuk.
«Niaprosta składvajecca sytuacyja z hetaj ŭznaharodaj, upłyvajuć na heta roznyja abstaviny. Nie apošniuju rolu adyhryvaje j toje, što ludzi prosta bajacca. Bajacca za svaju pracu, za svaju budučyniu. Ludzi vielmi zapałochanyja».
U telefonnaj razmovie z nami
Andrej Čarniakievič paćvierdziŭ, što admoviŭsia ad premii. «Ja prosta prapanavaŭ bolš abjektyŭnyja krytery adboru. Vielmi važna, kab hetaja premija mieła navukovy charaktar, kab jana nie palityzavałasia jašče bolej, čym usia hetaja haradzienskaja sytuacyja.Heta budzie karysna j mnie, i ŭvohule hramadztvu, kab my paźbiahali hetych radykalizmaŭ. Mnie padałosia, što atrymać premiju tolki za toje, što ciabie zvolnili z pracy, troški niedarečna. Kožny inšy raz ja byŭ by ŭdziačny paŭdzielničać u takim konkursie. Budu namahacca dać jašče nahodu, pryčym stanoŭčuju, a nie skandalnuju».
Adnak u pałažeńni premii napisana, što jana dajecca ŭ tym liku j za hramadzianskuju pazycyju. Darečy, za hramadzianskuju dziejnaść byŭ represavany j patron premii Juzaf Jadkoŭski, jaki
Zvalnieńnie Andreja Čarniakieviča vyklikała vialikuju chvalu salidarnaści jak u Horadni, tak i va ŭsioj Biełarusi.
Aleś Kraŭcevič i Aleś Smalančuk vystupili z adkrytym listom da ministra adukacyi Siarhieja Maskieviča j kiraŭnictva Haradzienskaha ŭniversyteta, u jakim patrabavali adnaŭleńnia dacenta na pracy. Pad listom padpisałasia bolš za 400 čałaviek: vykładčyki ŭniversytetaŭ, navukovaja supolnaść, zvyčajnyja haradziency sabrali dla laŭreata hrašovuju ŭznaharodu, ad jakoj jon taksama admoviŭsia.
Darečy Andrej Čarniakievič byŭ nie adzinaj asobaj, jakaja admoviłasia ad premii: «palityzavanaści» ŭznaharody imia Jadkoŭskaha pabajałasia jašče niekalki patencyjnych laŭreataŭ.
Kamientary