Novym staršynioj niezaležnaha Sajuza palakaŭ staŭ spartovy trenier Miečysłaŭ Jaśkievič
Jon nabraŭ na 7 hałasoŭ bolej za dziejnuju staršyniu.
U pracy VIII źjezda niezaležnaha Sajuza palakaŭ Biełarusi biare ŭdzieł 218 delehataŭ, abo 94% ad ahulnaj ličby vyłučanych delehataŭ.
U vyniku hałasavańnia abrany novy staršynia arhanizacyi. Im staŭ Miečysłaŭ Jaśkievič, za jakoha prahałasavała 112 delehataŭ.
Druhaja kandydatka, Anžalika Arechva, atrymała 105 hałasoŭ u svaju padtrymku. Z roźnicaj u 7 hałasoŭ Miečysłaŭ Jaśkievič staŭ staršyniom arhanizacyi. Heta dosyć niečakany vynik, bo ŭsie mierkavali, što Anžalika Arechva, jakaja na praciahu troch hadoŭ vykonvała abaviazki staršyni arhanizacyi, zojmie pasadu paŭnapraŭna. Spartovy trenier Miečysłaŭ Jaśkievič raniej byŭ namieśnikam staršyni Sajuza palakaŭ Biełarusi.
Na pačatku hałasavańnia było vyłučana siem kandydataŭ, siarod ich takija viadomyja dziejačy, jak Anžalika Borys, Tadevuš Havin i inšyja. Usie jany źniali svaje kandydatury,i na finiš hałasavańnia vyjšli dva kandydaty.
Źjezd taksama abiare Hałoŭnuju radu arhanizacyi, jakaja ŭžo na svaim pasiedžańni abiare staršyniu Hałoŭnaj rady, a taksama namieśnikaŭ staršyni arhanizacyi.
Niezaležny Sajuz palakaŭ nie padparadkoŭvajecca łukašenkaŭcam, a dziejničaje samastojna. U piku jamu ŭłady stvaryli padkantrolnuju arhanizacyju polskaj mienšaści, na čale jakoj stajać «pravieranyja asoby».
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary