39% biełaruskich studentaŭ atrymlivajuć adukacyju pa śpiecyjalnaściach ekanamičnaha profilu: u dziaržaŭnych VNU — 32%, u pryvatnych — 94%.Jak paviedamlaje sajt Ministerstva adukacyi, śpiecyjalnaści ekanamičnaha profilu źjaŭlajucca samymi zapatrabavanymi ŭ studentaŭ.
Apošnim časam u krainie taksama raście cikavaść abituryjentaŭ da śpiecyjalnaściaŭ profilaŭ «Technika i technałohii» i «Architektura i budaŭnictva». Kožny čaćviorty student atrymlivaje śpiecyjalnaść pa hetych profilach.
U toj ža čas na śpiecyjalnaściach piedahahičnaha profilu vučacca 10,6% usich studentaŭ, profilu «Sielskaja i lasnaja haspadarka.Sadova-parkavaje budaŭnictva» — 6,6%, «Achova zdaroŭja» — 5,1%, «Mastactva i dyzajn. Humanitarnyja navuki» — 5,5%, «Fizičnaja kultura. Turyzm i haścinnaść» — 2,1%.
Usiaho ŭ Biełarusi ciapier naličvajecca bolš jak 430 tys. studentaŭ, jakija atrymlivajuć vyšejšuju adukacyju ŭ 54 VNU krainy (45 VNU dziaržaŭnaj formy ŭłasnaści i 9 — pryvatnaj). Amal 90% studentaŭ vučacca ŭ dziaržaŭnych VNU.
Na pieršaj stupieni vyšejšaj adukacyi vučacca prykładna 29 tys. studentaŭ, na druhoj (u mahistratury) — bolš jak 6 tys. Bolš jak 88 tys. studentaŭ pryniata na navučańnie ŭ 2012 hodzie.
Pavodle danych Minadukacyi, kožny treci student vučycca za košt srodkaŭ respublikanskaha biudžetu. Na pačatak hetaha navučalnaha hoda ŭ studenckich internatach pražyvała prykładna 80 tys. studentaŭ dzionnaj formy navučańnia.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary