Jehipieckija sudździ zaklikali hramadzian krainy da ahulnanacyjanalnaj zabastoŭki suprać novaha dekreta prezidenta Machamieda Mursi. Heta rašeńnie było pryniata na ekstranym pasiadžeńni sajuza sudździaŭ.
Najvyšejšaja sudovaja rada Jehipta, u svaju čarhu, abvinavaciła kiraŭnika dziaržavy ŭ «niečuvanych napadkach» na sudovuju sistemu krainy.
Raniej Mursi zabaraniŭ sudam admianiać ułasnyja ŭkazy da taho času, pakul u krainie nie źjavicca novaja kanstytucyja i nie zapracuje novy parłamient.
Zhodna z prezidenckim dekretam, sudździ nie majuć prava raspuskać kanstytucyjnuju asambleju, zaniatuju padrychtoŭkaj novaha asnoŭnaha zakona krainy.
Akramia inšaha, ukaz Mursi adkryvaje mahčymaść dla paŭtornaha pracesu nad ludźmi, jakich raniej užo sudzili za hibiel udzielnikaŭ pratestaŭ 2011 hoda.
Najvyšejšaja sudovaja rada krainy zaklikała Mursi adklikać vydadzieny ŭ piatnicu dekret.
Choć prezident Jehipta pastajanna śćviardžaje, što dziejničaje vyklučna ŭ intaresach abarony zavajovaŭ revalucyi, novy ŭkaz vyklikaŭ buru pratestaŭ pa ŭsioj krainie, jakija supravadžalisia napadami na ofisy kirujučaj partyi.
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie38
Kamientary