bytavucha
Słavamir ADAMOVIČ
Paźniak i Front
Zianon kryŭduje, što raspačaty im ruch za adradžeńnie biełaruskaj nacyjanalnaj dziaržaŭnaści šyreje i vychodzić z-pad jahonaha kantrolu. Na kryŭdu nakładajecca strach za ŭłasnaje žyćcio, jaki raźviŭsia ŭ im nie biez dapamohi biełaruskich specsłužbaŭ (isnuje versija, što infarmacyja pra mahčymyja ŭ 1996 h. aryšt i navat likvidacyju Paźniaka była ŭkinutaja jakraz dziela taho, kab prymusić lidera BNF pakinuć Biełaruś). Paśla źniknieńnia Vińnikavaj dy Zacharanki čakać viartańnia Paźniaka na Radzimu ŭžo nie vypadała. Chacia, što praŭda, niekatoryja čakali. Čakali, što pryjedzie z 20 pa 21 lipienia. Potym — što źjavicca na źjeździe BNF, kab nie dapuścić raskołu. Nie źjaviŭsia. Nie pryjechaŭ ni lehalna, ni padpolna. Ci nie tamu, što nie šanujuć jaho bolej za kolišnija «maralnyja pieramohi»? Ci nie tamu, što strašna za siońniašnija parazy?
Suprać Bahuševiča
«Dyk što, vy ŭstupili ŭ Sajuz Piśmieńnikaŭ, kab my nia ŭmiorli?» — zamiest «Dabrydzień!» zadała mnie pytańnie namieśnik staršyni Sajuzu Piśmieńnikaŭ Biełarusi Volha Ipatava, kali a piataj uviečary ja zajšoŭ na pasiadžeńnie tvorčaha abjadnańnia «Litaratar». U vyniku karotkaj razmovy mnie stała viadoma, što spn. Volha za kresła namieśnika nie trymajecca i ŭ luby momant moža pakinuć pasadu, a voś kali ja i dalej budu krytykavać SP, dyk na miesca staršyni pryjdzie rasiejskamoŭny Eduard Skobieleŭ, i tady biełaruščyna ŭ piśmieńnickim sajuzie sapraŭdy laśnie.
Alarm u KHB
Krynica, vartaja davieru, paviedamlaje, što specsłužby režymu aktyvizavali ahienturnuju rabotu ź niedziaržaŭnaj presaj. Naprykład, supracoŭnikam adnoj rasiejskamoŭnaj hazety hebisty nastojliva prapanujuć supracoŭnictva nastupnym čynam: my, specsłužby, pieradajem vam, žurnalistam, kanfidencyjnuju infarmacyju, a vy davodzicie jaje da vašaha čytača. Niekatoryja palityčnyja analityki tłumačać novuju chvalu KHB-aktyŭnaści tym faktam, što dziaržbiaśpieka pačała kałocca na tych, chto hatovy «mačyć nacmienaŭ», i tych, chto ŭ patrebny momant padtrymaje ŭrad nacyjanalnaha vyratavańnia. Adnym słovam, paśla 20 lipienia tryvoha śpieje i ŭ padraździaleńniach dziaržbiaśpieki. Što, jak nia dziŭna, supakojvaje.
Kamientary