Apytańnie “NN”
Vyniki na siońnia
Za kaho b Vy prahałasavali na prezydenckich vybarach?
Zianon Paźniak 146 (122)
Siamion Domaš 76 (70)
Vincuk Viačorka 17 (15)
Alaksandar Dabravolski 9 (6)
Pavał Žuk 6 (5)
Jury Chadyka 5 (5)
Michaił Čyhir 5 (5)
Stanisłaŭ Šuškievič 4 (1)
Alaksandar Łukašenka 3 (3)
Stanisłaŭ Bahdankievič 2 (2)
Pavał Kazłoŭski 2 (2)
Ni za koha 2 (2)
Viačasłaŭ Siŭčyk 2 (1)
(Astatnija kandydaty, jakija zhadvalisia ŭ ankietach, majuć tolki pa adnym hołasie.)
Paźniak zastajecca lideram, ale jość padazreńnie, što adbyvajecca heta nie biaź niejkaje specyjalnaje dyrektyvy pa Kanservatyŭna-Chryścijanskaj Partyi BNF. Inakš jak patłumačyć, što ŭ adzin dzień u redakcyju prychodzić pa piać listoŭ ź piaćciu adnolkavymi adkazami, upisanymi adnolkavym počyrkam? Abo dźvie ankiety, zapoŭnienyja roznymi počyrkami i roznym čarniłam, ale z adnolkavym adkazam, cytuju ŭ aryhinale: “Hałasuja za Domaša, ty hałasuješ za Sajuz z Rasiejaj”. U pryncypie, pa-biełarusku treba pisać “hałasujučy”, a nie “hałasuja”, słova “sajuz” my pišam z małoj litary, a “š” u biełaruskaj movie – zaćviardzieły. Zrešty, nie vyklučajem, što padobnyja listy mohuć pisacca pa zahadzie dušy. Prosim usich zapaŭniać tolki pa adnoj ankiecie na čałavieka, inakš Vy dajacie šmat pracy supracoŭnikam redakcyi. My ŭličvajem tolki pa adnej ankiecie ad adnaho ŭdzielnika apytańnia!
Domaš idzie roŭna napieradzie. Na hetym tydni pryjšli adrazu try hałasy za Šuškieviča. Upieršyniu byli nazvanyja čytačami ŭ jakaści dobrych kandydataŭ Aleh Trusaŭ, lider TBM, Kastuś Akuła – biełarus-veteran, jaki žyvie ŭ Kanadzie, i filozaf Valancin Akudovič.
A voś jaki listok pryjšoŭ razam z ankietaj z vuł.Bahdanoviča ŭ Miensku: “Naša siamja vypisvaje NAŠU hazetu 9 hadoŭ. Vialiki dziakuj Vam. My addanyja prychilniki Šuškieviča, a kali jon nia budzie ŭdzielničać u vybarach, addamo hałasy sp.Paźniaku”. Dziakuj i Vam za dobryja słovy.
Siarod cikavych devizaŭ: “Biełarus, ty varty lepšaha” i “Svoj los – u svaje ruki”.
Apytańnie praciahvajecca!
Apytańnie “NN”
Za kaho Vy prahałasavali b na prezydenckich vybarach?
Pad jakim devizam musić iści na vybary kandydat, za jakoha Vy prahałasavali b?
Za jakuju partyju Vy prahałasavali b na parlamenckich vybarach?
Kali b zaraz stvaryłasia novaja abjadnanaja kaalicyja apazycyi, jak jana, pa-Vašamu, musić nazyvacca?
Zapoŭnicie hety biuleteń i dašlecie ŭ redakcyju “NN”:
220050 Miensk a\s 537 “Apytańnie “NN”.
E-mail: [email protected]
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu11
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2828
Kamientary