Pieramohi na mižnarodnych alimpijadach, kvietniki pad pabielenymi murami, raźniavolenyja dzieci ŭ strakatych strojach — hety dobry bok biełaruskaje škoły. Ale ŭ jaje jość i spod, ci, jak kažuć staryja ludzi, «błahi bok». Absurdy ŭ systemie adukacyi zaŭvažnyja tolki tym, chto vučycca abo vučyć sam.
Karespandent «NN» atrymaŭ zadańnie da 1 vieraśnia vyvučyć systemu adukacyi ź ispodu. Jahonymi ekspertami stali prafesar palitalohii, paśpiachovaja biznesvumen-vydaŭnica, «darahi» kamputarnik, papularnaja žurnalistka... Čytačy «NN», jakich łučyć najaŭnaść dziaciej školnaha vieku i pamknieńnie dać im najlepšuju mahčymuju adukacyju. Lubym koštam. Navat kali škoła hetamu nie spryjaje.
Hałoŭnaja prablema škoły — padručniki. Baćki mohuć rastłumačyć toje, čaho niedadajuć nastaŭniki. Ale kali niama pa čym tłumačyć, heta biada. «Padručniki časta składzienyja niepiśmienna, tam šmat trasianki, abdrukovak, — kaža Aleś Ł., baćka druhaklaśnika. — Bahata pamyłak, i nia tolki hramatyčnych. Dzieci nia mohuć rašać prykłady z padručnika pa matematycy, bo tam pamyłki prosta ŭ samich zadańniach».
Dla čaho treba plemiannyja koni
Natalla B. užo i nia radaja, što jaje dzicia vučycca ŭ biełaruskamoŭnaj škole: «U rasiejskamoŭnych škołach nastaŭniki majuć prava vybirać, pavodle jakoha padručnika jany buduć navučać dziaciej. Jany i vybirajuć lepš vyčytanyja, vyvieranyja maskoŭskija vydańni. U biełaruskamoŭnych škołach takoha prava niama, bo niama vybaru.
Poŭny varyjant artykułu čytajcie ŭ hazece "NN".
Kamientary