Vyrašana kančatkova pierarabić našyja staryja harady na svoj kapył. Nie pytajučysia ŭ nikoha i nikoha nie infarmujučy.
Hetymi dniami ŭ Miensku zrujnavali jašče adzin pomnik ŭ histaryčnym centry — dom XIX st. № 11a pa vulicy Internacyjanalnaj (byłoj Zboravaj). Adzin ź jahonych fasadaŭ vychodziŭ na vulicu Kamsamolskuju. Na joj taksama sabralisia buryć dom №15 ŭžo pa hetaj vulicy. I heta tolki pačatak.
UP «Mienskprajekt» prapanuje razburyć jašče adzin kaštoŭniejšy pomnik staraśvieččyny — budynak staroje pošty, ChVIII ct., jašče časoŭ Rečy Paspalitaj. Heta siońnia dom numar №6, pa Kamsamolskaj (byłoj Felicyjanaŭskaj), što vychodzić bakavym i dvaravym fasadami na Niamihu. Dom byccam by zaminaje aŭtamabilnamu ruchu — zaharodžvaje paŭdarohi. Naturalna, treba ž niejak ciapier z parkinhu vykatvacca biez zaminki!
Paśla ŭsiaho, što jany narabili z našym Mienskam, heta, vyhladaje, tolki pytańnie času… Niama sumnievaŭ, što investary i zakazčyki znojduć mocnyja arhumanty. A čynavienstva ź Minkultu padpišacca…
Takim čynam, kolkaść pomnikaŭ našaje historyi ściskajecca, rychtyk ščyhrynavaja skura. Nahadajem, va ŭsim Miensku siońnia zastałosia blizu dvuch tuzinaŭ aŭtentyčnych pabudovaŭ ad usich epochaŭ dasavieckaha peryjadu…
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek18
Kamientary