Фэстываль хайку.
Сардэчна запрашаю
на Басёвішча!
*
Хуткія рухі —
і не халодна зусім.
Двое на сьнезе.
*
Бусел на даху.
Хтось адлятае ў вырай,
хтось — залятае…
*
Інвэрсійны сьлед
ад твайго пацалунку
паветранага.
*
Перакладаю
раман у лістох — далей
ад тваіх вачэй.
…Трэцім жаданьнем
было: вечна займацца
падлёдным ловам!
*
Вечар. Цішыня.
Толькі чуваць, як ляціць
паўз акно пляшка.
*
Мясцовы кактэйль
«Крыжовая адкрутка»:
водка й «крыжачок».
*
Бог зь ім, з талёнам,
з рэштай! Пільнуй дарогу,
п’яны кіроўца!
*
«Вось сымбаль твой за...»
За крыху больш чым эўра —
Зерне канапель.
Няўжо выбары?!
З паштовай скрынкі тырчыць
«Савецкая Б.».
*
Плацяць за радкі
альбо тысячы знакаў…
А лічыш склады.
*
Птушкі: пяць зьверху,
сем пад імі і пяць на
ніжняй галінцы.
*
Лічыш лужыны.
Хапае пальцаў нагі
ў мокрай шкарпэтцы.
*
Кніга з друкарні
спадара Логвінава…
Я не самотны!
Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе6
Каментары