З'явіўся рэсурс, дзе можна зручна праверыць чалавека ці канал па спісе экстрэмістаў
Як гэта працуе?
З'явіўся новы рэсурс, дзе можна хутка праверыць, ці ёсць пэўны чалавек, канал ці арганізацыя ў базах экстрэмістаў, якія складаюць улады.
Рэсурс, створаны актывістамі, называецца ekstremisty.xyz. Каб знайсці тое, што вас цікавіць, увядзіце ў пошуку назву ці апісанне канала, прозвішча чалавека.
База на сайце аператыўна абнаўляецца, калі папаўняюцца спісы экстрэмістаў.
Сайт кожную ноч запампоўвае дакументы з сайтаў Мінінфарма і МУС і абнаўляе статус (але, зразумела, што новыя імёны і назвы ў базах экстрэмістаў з'яўляюцца не кожны дзень).
«Мы не ведаем, што ці каго вы шукаеце: калі вы адчыняеце старонку са спісам, мы сцягваем усе запісы, таму, калі вы шукаеце штосьці, нам не трэба нікуды дасылаць ваш запыт, усё адбываецца ў вашым браўзэры. Каб праверыць, вы можаце выключыць wi-fi перад пошукам. Ніякага трэкінгу ў нас няма і не будзе», — паведамляецца на сайце.
«Экстрэмісцкімі» ўлады Беларусі лічаць незалежныя каналы, СМІ, у спіс экстрэмістаў таксама трапляюць усе, хто асуджаны па крымінальнай справе за палітыку.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала10
Каментары