Беларускі дыпламат: Будаўніцтва АЭС абумоўлена высокай ступенню залежнасці ад імпарту энергарэсурсаў
Будаўніцтва АЭС абумоўлена высокай ступенню залежнасці Беларусі ад імпарту энергарэсурсаў і ростам патрэбы ў іх, заявіў беларускі дыпламат на нарадзе ў МАГАТЭ.
Рэалізацыя нацыянальнай ядзерна-энергетычнай праграмы ў Беларусі ажыццяўляецца з улікам высокай ступені залежнасці краіны ад імпарту энергарэсурсаў і росту патрэбы ў электраэнергіі. Аб гэтым заявіў начальнік упраўлення эканамічнага супрацоўніцтва і ўстойлівага развіцця МЗС Беларусі Юрый Ярашэвіч на нарадзе па вывучэнні сацыяльна-эканамічных наступстваў укаранення ядзернай энергетыкі, якая прайшла 26—30 лістапада ў Вене ў штаб-кватэры МАГАТЭ.
Як паведамляе прэс-служба МЗС, удзельнікі нарады абмяняліся вопытам і інфармацыяй у галіне вывучэння фінансавых, эканамічных і сацыяльных аспектаў развіцця ядзернай энергетыкі для падрыхтоўкі на гэтай аснове адпаведнай метадалогіі МАГАТЭ.
Беларускі дыпламат таксама адзначыў, што ядзерная энергетыка з'яўляецца адным з інструментаў зніжэння аб'ёмаў выкідаў парніковых газаў у атмасферу і "рухаючай сілай для развіцця новых тэхналогій і вытворчасцей".
У рамках удзелу ў нарадзе Ярашэвіч правёў шэраг сустрэч з прадстаўнікамі краін-удзельніц і супрацоўнікамі сакратарыята МАГАТЭ.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў29
Каментары