Прачытанне твора «Майткі» тэатр «Крылы халопа» планаваў правесці 18 снежня ў
Аднак тэатралам нечакана паставілі ўмову — папярэдне мусіць адбыцца прагляд мастацкай камісіі. У яе склад увайшлі чыноўнікі «ад культуры» і тэатральныя рэжысёры Брэста.
10 снежня пасля «ацэнкі» пастаноўку забаранілі для прагляду. Сярод прычын сябры камісіі назвалі вялікую колькасць ненарматыўнай лексікі, незразумеласць сюжэту, беднасць тэатральнай эстэтыкі.Апошняе выявілася ў адсутнасці тэатральных касцюмаў і сцэнаграфіі, хоць ад пачатку «Майткі» былі заяўленыя як чытка, а не спектакль.
Беларускі драматург і сцэнарыст Павал Пражко першую п’есу напісаў у 2004 годзе. З гэтага часу пераважна працуе ў Расіі. Яго п’есы перакладзены на польскую, нямецкую і фінскі мовы. Аўтар — удзельнік міжнародных тэатральных фестываляў, чыток і конкурсаў.
Са словаў актора тэатра Алега Гарбацюка, з пяці сябраў камісіі толькі адзін чалавек быў знаёмы з творчасцю Паўла Пражко.Тым не менш калектыў паспрабуе паставіць п’есы Пражко, якія амаль не паказваліся на радзіме аўтара.
«Вядома, будуць спробы, мы будзем шукаць памяшканне, бо ў нас ёсць свой глядач, і проста так пакінуць гэта мы не можам. Нельга слухаць толькі тых людзей, якія мала што разумеюць у сучаснай драматургіі і ставяцца да нас як да аматараў. Думаю, у наступным годзе мы ўсё ж такі гэта зробім».
Нагадаем, што пастаноўкі тэатра «Крылы халопа» забараняюць не ў першы раз. У Кобрыне вулічны спектакль па творах Хармса «ЗваніцьЛяцець» адмянілі літаральна за гадзіну да пачатку. Перфоманс брэсцкіх актораў супаў са святочнымі мерапрыемствамі да парламенцкіх выбараў 23 верасня.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Каментары