Тэатр

«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?

Як стала вядома «Нашай Ніве», з Коласаўскага тэатра ў Віцебску будзе звольнены не толькі дырэктар Аляксандр Старых, але і некаторыя акцёры.

У прыватнасці, кантракт не працягваюць як мінімум з трыма акцёрамі: Анжалікай Баркоўскай, Юліяй Крашэўскай і Арцёмам Гераком.

«Ніхто нічога не ведае, нікому нічога не сказалі, чаму так. Нам проста не плануюць падаўжаць кантракт. Рашэнне прыйшло звонку, бо кіраўніцтва тэатра таксама нічога патлумачыць не можа. Вось, уласна кажучы, і ўся інфармацыя, якой мы валодаем», — распавёў «Нашай Ніве» адзін з акцёраў.

Пачалося ўсё пасля таго, як у тэатры імя Якуба Коласа прайшоў прэм'ерны паказ спектакля «Ціль» па п'есе драматурга Грыгорыя Горына. На прэм'еры прысутнічалі міністр культуры Анатоль Маркевіч і прадстаўніца Міністэрства Ірына Дрыга. Таксама было кіраўніцтва Віцебскай вобласці. Чыноўнікі паспелі ўручыць акцёрам узнагароды ў гонар 95-годдзя тэатра, але пасля спектакль нечакана знік з рэпертуару і афіш.

Лічыцца, што нагодай таму паслужыла фраза «Жыве Фландрыя!», якая прагучала са сцэны. Прычым гэта даслоўны пераклад арыгінальнай фразы з твора «Да здравствует Фландрия!». Акцёры, якіх звальняюць, былі занятыя ў пастаноўцы. Арцём Герак увогуле выконваў галоўную ролю.

Фота з прэм'еры. Фэйсбук Наталлі Лавіцкай-Ярмолавай

Але акцёры выказваюць здагадку, што трыгер на спектаклі стаў толькі дадатковай прычынай.

«Нас маглі звольніць, таму што ў 2020-м мы выступілі супраць гвалту, праявілі грамадзянскую пазіцыю. Іншых прычын я не бачу, каб звальняць менавіта вядучых акцёраў тэатра. Але гэта толькі здагадкі. Мы ўсе ў разгубленасці», — каментуюць коласаўцы.

Дырэктар тэатра Аляксандр Старых адмовіўся ад каментароў.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу2

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу

Усе навіны →
Усе навіны

Міністр абароны Ізраіля: Фізічная ліквідацыя аяталы Хаменеі — гэта адна з мэтаў вайны з Іранам3

Інфекцыяніст расказаў, ці трэба здаваць кляшча на аналіз і колькі разоў піць доксіцыклін

Як за мяжой аформіць «пашпарт РР» і колькі гэта каштуе?8

Шарэнда-Панасюк асудзіла візіт Келага да Лукашэнкі: Знайшоўся купец, гатовы гандлявацца93

«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас29

Затрымалі 56 супрацоўнікаў кол-цэнтраў, якія падманам прадавалі БАДы3

Вальфовіч: «Арэшнік» размесцяць у Беларусі да канца года11

Дзяржвыданне размазала прадпрымальніка-лукашыста, які праз тыкток скардзіўся Лукашэнку на мясцовыя ўлады6

У Беларусі прапануюць забараніць пераходзіць чыгуначныя рэйкі ў навушніках1

больш чытаных навін
больш лайканых навін

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу2

Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу

Галоўнае
Усе навіны →

Заўвага:

 

 

 

 

Закрыць Паведаміць