Амбасадар ЗША пры АБСЕ Іэн Келі зрабіў заяву з нагоды другой гадавіны жорсткага падаўлення мірнай акцыі пратэсту ў Беларусі.
Іэн Келі нагадвае, што 19 сьнежня адзначалі другую гадавіну прэзыдэнцкіх выбараў у Беларусі ў сьнежні 2010. Падчас гэтых выбараў былі дапушчаныя сур’ёзныя парушэньні міжнародна прызнаных дэмакратычных стандартаў, паліцыя сілай расправілася з натоўпам мірных дэманстрантаў. Многія людзі былі зьбітыя, больш за 700 былі затрыманыя, у тым ліку сем кандыдатаў у прэзыдэнты, — заяўляе амбасадар ЗША пры АБСЭ.
Наступствы гэтых дзеяньняў працягваюць адчувацца сёньня ў Беларусі. Некаторыя дэмакратычныя актывісты апазыцыі знаходзяцца ў турме. Адзін з гэтых зьняволеных, Зьміцер Дашкевіч, павінен быў быць вызвалены з турмы на гэтым тыдні, але яго тэрмін быў працягнуты яшчэ на адзін год, гэта сьведчыць пра адсутнасьць незалежнай судовай сыстэмы і выбарачны перасьлед дэмакратычнай апазыцыі. Мы пацьвярджаем наш заклік да неадкладнага, безумоўнага вызваленьня і рэабілітацыі ўсіх палітычных зьняволеных. Урад па-ранейшаму не выконвае асноўныя прынцыпы свабоды слова, асацыяцый і сходаў, як гэта адлюстравана ў канчатковым дакладзе БДІПЧ АБСЭ па выніках парлямэнцкіх выбараў ў Беларусі ў верасьні 2012 году, гаворыцца ў заяве Іэна Келі.
«Нагадаю, што 1 сьнежня 2010 году ў сумеснай заяве ЗША і Беларусі гаварылася, што пашырэньне павагі да дэмакратыі і правоў чалавека застаецца цэнтральным пунктам для паляпшэньня двухбаковых адносін. Мы заклікаем урад Беларусі супрацоўнічаць з інстытутамі АБСЭ для забесьпячэньня выкананьня мэтаў і каштоўнасьцяў гэтай арганізацыі. І мы працягваем падтрымліваць беларускіх абаронцаў правоў чалавека, незалежных журналістаў і актывістаў грамадзянскай супольнасьці, якія імкнуцца пабудаваць адкрытую, дэмакратычную будучыню для сваёй краіны,» — запэўнівае амбасадар ЗША пры АБСЭ.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары