18 студзеня 2013 Мінскі райвыканкам абвясціў аб правядзенні чарговага адкрытага аўкцыёну па продажы зямельных участкаў у прыватную ўласнасць грамадзянам РБ.
Гэтым разам на таргі выстаўлена 25 участкаў у г. Заслаўе, Гаранскім, Каладзішчанскім, Крупіцкім, Луговаслабодскім, Міханавіцкім і Рогаўскім сельсаветах.
Два ўчасткі ў Заслаўі па вул. Нагорнай выстаўленыя на аўкцыён па пачатковых цэнах Br226 млн і Br235 млн. Яны забяспечаныя інжынернымі камунікацыямі. І гэта самыя дарагія зямельныя ўчасткі, якія выстаўленыя 18 студзеня на аўкцыён.
Самым дарагім зямельным участкам сярод сельскіх населеных пунктаў, выстаўленых на гандаль, аказаўся ўчастак з камунікацыямі ў в. Кайкава Міханавіцкага сельсавета. Ён выстаўлены на таргі за Br100 млн.
Яшчэ два ўчасткі № 1 і № 6 без камунікацый у в. Кайкава будуць рэалізоўваць па пачатковай цане Br67 млн, участак № 8 па вул. Жывёлаводаў — па цане Br60 млн.
У Каладзішчанскім сельсавеце на аўкцыёне будуць рэалізоўвацца 7 зямельных участкаў. Пачатковыя цэны на ўчасткі без камунікацый у в. Ліпавая Калода склалі
У пасёлку Гарадзішча будуць прадавацца 3 участкі (электрычнасць, газ). Пачатковая цана — Br81 млн.
Два ўчасткі ў в. Лебядзінец Луговаслабодскага сельсавета выстаўленыя на таргі па пачатковай цане Br53 млн. Участкі абсталяваныя вадой і электрычнасцю.
У Крупіцкім сельсавеце на таргі выстаўленыя 3 участкі з частковымі камунікацыямі па пачатковых цэнах Br31 млн, Br32 млн, Br 43 млн.
Два ўчасткі ў Гаранскім сельсавеце выстаўленыя на таргі па пачатковых цэнах Br16 млн (в. Дулічы) і Br31 млн (в. Вішнеўка). Абодва ўчасткі не маюць камунікацый.
За Br19 млн выстаўлены на аўкцыён ўчастак у в. Рогава Рогаўскага сельсавета. Ён абсталяваны электрычнасцю.
Заявы на ўдзел у аўкцыёне можна падаць у Мінскі райвыканкам да 14 студзеня 2013 года.
Адзначым, што 11 студзеня ў будынку раённага выканкама пройдзе яшчэ адзін аўкцыён па продажы зямельных участкаў у прыватную ўласнасць. На таргі выстаўленыя ўчасткі ў Гаранскім, Каладзішчанскім, Папярнянскім, Рогаўскім, Сенніцкім, Хацежынскім, Юзуфоўскім сельсаветах. Аднак прыём дакументаў на ўдзел у гэтым аўкцыёне ўжо завершаны. Дадзеная інфармацыя можа быць цікавай для тых, хто хоча паназіраць за ходам таргоў і прыцаніцца да ўчасткаў.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі21
Каментары