3 мая на дарозе Жыткавічы — Давыд-Гарадок — мяжа Украіны адбылося ДТЗ з удзелам 44-гадовага жыхара Столінскага раёна.Звычайнае здарэнне, калі б не той факт, што кіроўца з’яўляецца праваслаўным святаром. Пры гэтым ён знаходзіўся ў стане алкагольнага ап’янення.
У кіроўцы тры гады таму ўжо забіралі правы на кіраванне аўтамабілем за нецвярозую язду.Ехаў ён без правоў — пасведчанне яму мусілі вярнуць толькі ў чэрвені.
«Кіроўца ўрэзаўся ў паўпрычэп трактара, бо няправільна абраў дыстанцыю і хуткасць, — расказала начальніца ўпраўлення агітацыі і прапаганды ДАІ УУС Брэсцкай вобласці Наталля Сахарчук.— Прычым у момант сутыкнення ні кіроўца, ні пасажыр не былі прышпіленыя рамнямі бяспекі. Аўтамабіль ВАЗ-21099, якім кіраваў святар, яму не належыць».
У ДАІ «Нашай Ніве» паведамілі, што пацярпелых даставілі ў бальніцу ў Давыд-Гарадку.
«Стан пасажыра вельмі цяжкі. У яго адкрытая чэрапна-мазгавая траўма і ўдар галаўнога мозга цяжкай ступені. Ён знаходзіцца ў рэанімацыі ў беспрытомным стане.Святара «хуткая» забрала таксама непрытомным, аднак яго пашкоджанні не такія цяжкія. Па факце ДТЗ праводзіцца праверка», — расказала Сахарчук.
У Пінскай і Лунінецкай епархіі Рускай праваслаўнай царквы пра ДТЗ з удзелам п’янога святара не чулі.
Цікава, што ДТЗ прыйшлося на Вялікую пятніцу — час найбольш строгага пасту. Згодна з традыцыяй, у гэты дзень належыць есці толькі хлеб і піць толькі ваду, дый то пасля цырымоніі вынасу плашчаніцы, гэта значыць пасля 15:00.
«Раней падчас Шчырага посту — так у народзе завецца Вялікі пост — мужыкі абракаліся не тое што піць алкаголь, але нават паліць.
Святар, вядома, саграшыў, сеўшы за стырно ў нецвярозым стане.Святар мусіць пасціцца разам з астатнімі вернікамі. Аднак не бывае граху, які не застаецца без пакарання. Гэта яму званочак з нябеснай канцылярыі: «Не пі. Не грашы», — кажа гісторык Анатоль Сідарэвіч.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары