Арганізатар групоўкі валодаў нерухомасцю і буйнымі рахункамі за мяжой.
Камітэты дзяржбяспекі і дзяржкантролю выявілі злачынную групы, якая з выкарыстаннем «ценявых» схем завозіла з Еўропы мікрааўтобусы і запчасткі, паведамляе сайт КДБ.
Кіраваў групай мінчук, які арганізаваў функцыянаванне шэрагу камерцыйных прадпрыемстваў, у тым ліку за межамі краіны. Атрыманыя ад продажу завезенага тавару грошы ўключаліся ў абарот у сферы незаконных фінансавых аперацый. Гаворыцца ў паведамленні.
Падчас агляду памяшканняў, якія належаць камерцыйным структурам, чыя дзейнасць кантралявалася названай асобай, выяўленыя і канфіскаваныя незаконна выведзеныя з абароту наяўныя фінансавыя сродкі ў памеры каля Br3 млрд і звыш $500 тыс., накладзены арышт на больш чым 60 фактычна новых мікрааўтобусаў замежнай вытворчасці.
Арганізатар групоўкі валодаў дарагой нерухомасцю ў адной з краін Аравійскага паўвострава, а таксама буйнымі рахункамі ў замежных банках.
КДБ распачаў крымінальную справу па арт.243 КК (ухіленне ад выплаты сум падаткаў, збораў). Арганізатар групы затрыманы.
Адпрацоўваюцца версіі аб датычнасці да функцыянавання злачыннай схемы службовых асоб органаў дзяржаўнага кіравання Беларусі.
Модная мінская кавярня «Маркс» трапіла ў скандал: адтуль папрасілі сысці жанчыну, якая малявала. Але ўсё не так адназначна18
Каментары