Скандалы на конкурсах прыгажосці: Італія, Вялікабрытанія, Францыя, Расія + фоты
Любы конкурс прыгажосці — з’ява медыйная. Практычна ніводзін не абыходзіцца без скандалаў.І тое, што конкурс «Міс Мінск» сёння абмяркоўваецца
Вось, напрыклад, трох фіналістак конкурсу прыгажосці «Міс Італія» дыскваліфікавалі за занадта сэксуальныя фатаграфіі, якія арганізатары выявілі ў інтэрнэце. Падобныя выпадкі адбываліся і раней, але пазбавіць шанцаў на перамогу адразу траіх дзяўчат арганізатары вырашыліся ўпершыню.Самая юная з іх — Аліса Белота — была знятая з конкурсу за фотасесію ў ружовай начной кашулі, а таксама за фота, для якога яна пазіравала ў фрывольнай позе, адзетая ў кароткія джынсавыя шорты і ў туфлях на высокіх абцасах.
Рафаэла Магуньё была заўважаная суддзямі на фотаздымках ў шаўковым споднім на скураной канапе і ў чорным напаўпразрыстым гарсэце.
А ў трэцяй мадэлі — Тыцыяна П’ерджыяні — знайшлі не толькі фота, але і відэазапіс таго, як яна пазуе з аголенымі грудзьмі.
І гэта далёка не адзіны выпадак. У 2012 годзе ў конкурсе брала ўдзел К’яра Данезэ, удзельніца справы «Рубі» — оргій на віле былога прэм’ера Берлусконі.
Скандалы здараліся і ў Вялікабрытаніі. «Міс Корнуол» (рэгіянальны конкурс прыгажосці) Лору Анэс, запісалі ў прастытуткі і знайшлі здымкі 1999 года, дзе яна здымалася для мужскога часопіса топлес. Тады ёй было ўсяго 16 гадоў. Магчымасць удзельнічаць у нацыянальным конкурсе ў яе забралі адразу — паводле правілаў, удзельніцам забараняецца здымацца аголенымі.Лора Анэс падманвала арганізатараў і з узростам. Удзельнічаючы ў конкурсах з 2006 году, яна кожны раз сцвярджала, што ёй 22.
У Францыі, дзе правілы нацыяльнага конкурсу падобныя, у 2008 старшыня камітэта «Міс Францыя» таксама патрабаваў забраць у пераможцы тытулу і кароны
Валеры Берг ледзь не пазбавілі тытула
Зрэшты, скандалы тычацца не толькі мінулага ўдзельніц і пікантных фотаздымкаў. Традыцыйна з’яўляецца інфармацыя пра шантаж, карупцыю і нават расізм. І не толькі.
Місіс Расіі 2012, напрыклад, была вымушана адмовіцца ад кароны пасля скандальнага інтэрв’ю, дзе яна прадэманстравала свае інтэлектуальныя здольнасці. Жонка футбаліста Жыркова, Іна тады, між іншым, казала, што Сонца круціцца вакол Зямлі.
Такім чынам, усе скандалы і пазбаўленні тытулаў маюць даволі падобную прыроду — ад удзельніц конкурсу чакаюць не толькі прыгажосці, але і ўзорнасці ў паводзінах. Што да фатаграфій, то на Захадзе ўдзельніц дыскваліфікуюць за здымкі, якія ў параўнанні з кадрамі фіналістак Міс Мінск выглядаюць проста цнатлівымі.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі7
Каментары