Skandały na konkursach pryhažości: Italija, Vialikabrytanija, Francyja, Rasija + foty

Luby konkurs pryhažości — źjava miedyjnaja. Praktyčna nivodzin nie abychodzicca biez skandałaŭ.

Voś, naprykład, troch finalistak konkursu pryhažości «Mis Italija» dyskvalifikavali za zanadta seksualnyja fatahrafii, jakija arhanizatary vyjavili ŭ internecie. Padobnyja vypadki adbyvalisia i raniej, ale pazbavić šancaŭ na pieramohu adrazu traich dziaŭčat arhanizatary vyrašylisia ŭpieršyniu.

Rafaeła Mahuńjo była zaŭvažanaja sudździami na fotazdymkach ŭ šaŭkovym spodnim na skuranoj kanapie i ŭ čornym napaŭprazrystym harsecie.

A ŭ treciaj madeli — Tycyjana Pjerdžyjani — znajšli nie tolki fota, ale i videazapis taho, jak jana pazuje z aholenymi hrudźmi.

I heta daloka nie adziny vypadak. U 2012 hodzie ŭ konkursie brała ŭdzieł Kjara Danieze, udzielnica spravy «Rubi» — orhij na vile byłoha premjera Bierłuskoni.

20-hadovaja madelka spadziavałasia, što suviazi ź Bierłuskoni nie akažuć niehatyŭnaha ŭpłyvu na ŭdzieł u konkursie

Skandały zdaralisia i ŭ Vialikabrytanii. «Mis Kornuoł» (rehijanalny konkurs pryhažości) Łoru Anes, zapisali ŭ prastytutki i znajšli zdymki 1999 hoda, dzie jana zdymałasia dla mužskoha časopisa toples. Tady joj było ŭsiaho 16 hadoŭ. Mahčymaść udzielničać u nacyjanalnym konkursie ŭ jaje zabrali adrazu — pavodle praviłaŭ, udzielnicam zabaraniajecca zdymacca aholenymi.

U Francyi, dzie praviły nacyjalnaha konkursu padobnyja, u 2008 staršynia kamiteta «Mis Francyja» taksama patrabavaŭ zabrać u pieramožcy tytułu i karony z-za eratyčnych zdymkaŭ, apublikavanych u adnym z časopisaŭ. Pavodle jaho słoŭ, heta dyskredytavała nie tolki konkurs, ale i imidž usioj krainy.

Valery Bierh ledź nie pazbavili tytuła z-za eratyčnaj fotasiesii, apublikavanaj praz dva tydni paśla konkursu.

Zrešty, skandały tyčacca nie tolki minułaha ŭdzielnic i pikantnych fotazdymkaŭ. Tradycyjna źjaŭlajecca infarmacyja pra šantaž, karupcyju i navat rasizm. I nie tolki.

Misis Rasii 2012, naprykład, była vymušana admovicca ad karony paśla skandalnaha intervju, dzie jana prademanstravała svaje intelektualnyja zdolnaści. Žonka futbalista Žyrkova, Ina tady, miž inšym, kazała, što Sonca krucicca vakoł Ziamli.

Takim čynam, usie skandały i pazbaŭleńni tytułaŭ majuć davoli padobnuju pryrodu — ad udzielnic konkursu čakajuć nie tolki pryhažości, ale i ŭzornaści ŭ pavodzinach. Što da fatahrafij, to na Zachadzie ŭdzielnic dyskvalifikujuć za zdymki, jakija ŭ paraŭnańni z kadrami finalistak Mis Minsk vyhladajuć prosta cnatlivymi.

• 0
• 0
• 0
• 0
• 0
• 0
• 0
• 0