Амаль палова (47%) месячнай нормы ападкаў выпала днём 11 ліпеня ў Лельчыцах. Колькасць ападкаў у гэтым раённым цэнтры Гомельскай вобласці склала 39 мм, ці 39 літраў вады на квадратны метр тэрыторыі.
У Ашмянах (Гродзенская вобласць) зафіксавана 36 мм ападкаў (40% усёй ліпеньскай нормы).
У Мінску дождж прайшоў месцамі, а ў раёне метэастанцыі яго не было зусім.
Максімальная тэмпература паветра склала ад 22 градусаў цяпла на крайнім захадзе краіны да 28—29 градусаў у цэнтры і на поўдні.
12 ліпеня ўплыў актыўных франтальных раздзелаў распаўсюдзіцца на большую частку тэрыторыі. Пройдуць кароткачасовыя дажджы з навальніцамі, месцамі моцныя залевы, парывы ветру дасягнуць 15—20 м/с. У дзённыя гадзіны ў асобных раёнах град. Тэмпература паветра ад 22 градусаў па захадзе да 29 па паўднёвым усходзе краіны.
Каментары