Развітанне з ім пройдзе 28 жніўня ў мінскім Палацы мастацтваў (Казлова, 3). Пачатак аб 11-й.
Народнага мастака Беларусі не стала на84-ым годзе жыцця. Пра гэта «НН» паведаміў мастацтвазнаўца Сяргей Харэўскі.
«Арлен Кашкурэвіч памёр сёння, а 17 гадзіне. Гэта быў выбітны класік, рупліўца беларускай справы, — кажа Сяргей Харэўскі. — З ягонымі ілюстрацыямі выходзілі кнігі ісландскіх, нямецкіх, нарвежскіх класікаў літаратуры. Ён рабіў ілюстрацыі да „Фаўста“ Гётэ, „Песні пра зубра“ Міколы Гусоўскага. Кашкурэвіч быў класікам еўрапейскага графічнага мастацтва.
Ён карэнны мінчук. Памятаў даваенны і пасляваенны горад. З эвакуацыі вярнуўся ў Мінск у тую самую хату, з якой сыходзіў. Скончыў беларускую школу. Доўгі час сябраваў з Уладзімірам Караткевічам, Васілём Быкавым (з ім жылі ў адным доме на сённяшняй вуліцы Максіма Танка)».У Арлена Кашкурэвіча засталося два сыны — таксама мастакі Ігар і Тодар (ён яшчэ вядомы дудар).
Развітанне з Арленам Кашкурэвічам пройдзе 28 жніўня аб 11 гадзіне ў Палацы мастацтваў на вуліцы Казлова.
-
«Мне страшэнна падабаюцца кепскія мужчыны». Святлана Курс распавяла, як пісала сваю першую кнігу
-
«Нішто так не заахвочвае пісаць, як нуда». 50 гадоў таму памерла Агата Крысці. Як пісала гэта геніяльная жанчына?
-
Беларуска палюе на традыцыйныя саматканыя посцілкі ва ўсёй краіне — паглядзіце, колькі экспанатаў яна ўжо выкупіла ў бабуль ФОТЫ
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары