Супрацоўнікамі Камітэта дзяржаўнай бяспекі Беларусі пры атрыманні незаконнага грашовага ўзнагароджання затрыманыя загадчыца і адвакат юрыдычнай кансультацыі Савецкага раёна Мінска Аб гэтым паведаміла прэс-служба КДБ.
Непасрэдна пры перадачы грошай быў затрыманы і пасрэднік — дырэктар аднаго з прыватных камерцыйных прадпрыемстваў сталіцы.
Грашовыя сродкі ў памеры 10.000 даляраў ЗША перадаў затрыманым жыхар Мінска для далейшага накіравання іх у якасці хабару службовым асобам праваахоўных органаў за спрыяльнае вырашэнне пытання аб распачынанні крымінальнай справы па факце ўчыненых у дачыненні да названага грамадзяніна супрацьпраўных дзеянняў.
У дачыненні да затрыманых упраўленнем КДБ па Мінску і Мінскай вобласці распачата справа па прыкметах складу злачынства, прадугледжанага ч. 5 арт. 16 КК (саўдзел у злачынстве) і ч. 2 арт. 431 КК (дача хабару).
Для далейшага расследавання крымінальная справа перададзена ў Следчы камітэт Беларусі.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары