Новы пасол Францыі ў Беларусі Дамінік Газюі прыбудзе ў Мінск у другой палове кастрычніка, паведамілі ў пасольстве Беларусі ў Парыжы.
У французскай сталіцы 30 верасня адбылася сустрэча пасла Беларусі ў Францыі Паўла Латушкі з новым кіраўніком французскай дыпмісіі ў Мінску. Дамінік Газюі да верасня займала пасаду пасла Францыі ў Чарнагорыі.
У сустрэчы ўдзельнічаў таксама былы пасол Францыі ў Беларусі Мішэль Рэнеры, які цяпер узначальвае французскую дыпламатычную місію ў Эстоніі.
У цэнтры ўвагі дыпламатаў былі стан і перспектывы развіцця супрацоўніцтва паміж Беларуссю і Францыяй. Павел Латушка падзякаваў Мішэлю Рэнеры за сумеснае канструктыўнае супрацоўніцтва, адзначыў яго станоўчы ўклад у развіццё беларуска-французскага ўзаемадзеяння і пажадаў Дамінік Газюі поспехаў на новай дыпламатычнай пасадзе на карысць развіцця адносінаў паміж Беларуссю і Францыяй.
Адбылося абмеркаванне перспектываў развіцця кантактаў паміж дзвюма краінамі ў галінах эканомікі, культуры, адукацыі, турызму, міжпарламенцкага супрацоўніцтва.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою26
Каментары