Беларуская дзяржаўная доля акцый ЗАТ «Банк ВТБ» прададзена 7 кастрычніка ў Мінску.
Подпісы пад дагаворам аб продажы паставілі з беларускага боку старшыня Дзяржаўнага камітэта па маёмасці Георгій Кузняцоў, з расійскага — старшы віцэ-прэзідэнт — кіраўнік дэпартамента даччыных кампаній ААТ «Банк ВТБ» (Расія) Міхаіл Якунін.
Як адзначылі ў Дзяржкаммаёмасці, акцыі ацэнены па рыначнай цане. Пакет дзяржаўнай долі акцый (25,9%, ці 72.974 акцыі) ЗАТ «Банк ВТБ» прададзены за 19 млн. 110 тыс. даляраў ЗША.
Грашовыя сродкі, атрыманыя ад іх адчужэння, будуць накіраваны ў рэспубліканскі бюджэт.
ЗАТ «Банк ВТБ» (Беларусь) стабільна ўваходзіць у дзясятку найбуйнейшых банкаў краіны і з'яўляецца ўніверсальным банкам, які працуе на рынку Беларусі з 1996 года. Належыць да міжнароднай фінансавай групы ВТБ. Кантрольны пакет акцый банка (71,4%) да сённяшняга дня належаў ААТ «Банк ВТБ» (Расія). На сёння статутны фонд банка складае 84,4 млрд. беларускіх рублёў, нарматыўны капітал — 680 млрд. 653,6 млн. беларускіх рублёў. У склад банкаўскага холдынгу ЗАТ «Банк ВТБ» (Беларусь) уваходзіць акрамя самога банка ТАА «СНБ-Агра», ТАА «СНБ-строй».
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў15
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары