З мінулага тыдня на ўваходзе ў галоўны корпус Берасцейскага дзяржаўнага універсітэту адбываецца кантроль за яго наведвальнікамі.
З мінулага тыдня на ўваходзе ў галоўны корпус Берасцейскага дзяржаўнага універсітэту адбываецца кантроль за яго наведвальнікамі.
А менавіта, кожны студэнт ці супрацоўнік універсітэту павінен паказаць дакумент, гэта студэнскі білет ці пасведчанне супрацоўніка, толькі яны даюць права ўвайсці ва ўніверсітэт.
Як мне паведаміў супрацоўнік аховы БрДУ, згодна з загадам рэктара, цяпер калі маеш дакумент — ты зойдзеш ў будынак, калі не — то і дзверы універсітэту на сёння для цябе зачыненыя. Колькі будзе дзейнічаць загад — невядома, але ж пакуль папера з такім патрабаваннем вісіць, то і ахова павінна яго выконваць.
У сувязі з гэтым перад універсітэтам пастаянна трымаецца натоўп, студэнты і выкладчыкі капаюцца ў сваіх торбах у пошуках дакументаў, альбо моляць ахоўцу хуценька прапусціць, бо тыя спазняюцца на пары.
Што цікава, такая праверка наладжана толькі ў галоўным з 4 корпусаў універсітэту і толькі ў адной навучальнай установе горада, і ўжо не ў першы раз.
Перад прэзідэнцкімі выбарамі ці іншымі палітычнымі кампаніямі з’яўляецца перад уваходам ахоўнік, які пільна вядзе праверку. Чаго баіцца кіраўніцтва універсітэту, невядома, але, значыць, баяцца ёсць чаго.
Каментары