Выканаўцы гурта «Ляпіс Трубяцкой» не былі прапушчаныя аховай клюбу «Бронкс» на цырымонію ўзнагароджаньня «MTV‑Менск». Канал і гледачы выбіралі найбольш вартых узнагароды беларускіх выканаўцаў, а само ўзнагароджаньне прайшло 20 верасьня ў канцэртнай залі «Менск».
Пасьля ўсе удзельнікі цырымоніі адправіліся адзначаць посьпех у вядомы клюб. «Ляпісы» ў клюбе так і не зьявіліся, бо папросту не змаглі прайсьці фэйс‑кантроль. Ахове не спадабаўся зьнешні выгляд Міхалка і кампаніі: у іх, аказваецца, былі няправільныя прычоскі, вопратка, а фінальным акордам сталіся кеды.
На іншым канцы Зямлі ў такую ж непрыемнасьць трапіў Брус Ўіліс. New York Post паведаміў, што а трэцяй гадзіне ночы ён скіраваўся ў клюб «Сацыяліста». Аднак ахоўнікі актора не пазналі і ў клюб не пусьцілі. Абражаныя сябры Ўіліса ажно ўзяліся барабаніць у дзьверы, аднак у клюб зорцы трапіць так і не ўдалося.
Уладальнік «Сацыяліста» прызнаўся, што шкадуе пра інцыдэнт. Пра рэакцыю ўладальнікаў беларускага клюбу нічога не вядома.
Цяпер чытаюць
Азараў закрыў план «Перамога» і перавёў усіх удзельнікаў у рэзерв17
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3333
Каментары