30 верасня парафіі Маці Божай Нястомнай Дапамогі ў Шэметаве і Найсвяцейшай Тройцы ў Засвіры з пастырскай візітацыяй наведае Апостальскі Адміністратар Мінска-Магілёўскай архідыяцэзіі біскуп Антоні Дзям’янка. Душпастырскае служэнне ў абедзвюх парафіях нясе Будслаўскі дэкан кс. Пётр Шарко.
У засвірскай парафіі напрыканцы візітацыі будзе асвечана памятная дошка ў гонар кс. Канстанціна Стэповіча — беларускага святара, пісьменніка, драматурга і філосафа, вядомага пад псеўданімам Казімір Сваяк.
З 1920 па 1926 гг. кс. Канстанцін Стэповіч працаваў у Засвіры. У 1926 г. з-за праблемаў са здароўем ён едзе ў Закапанэ, дзе ў гэтым жа годзе памірае. Кс. Канстанцін Стэповіч пахаваны на віленскіх могілках Роса.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары