Пуціна ў Арменіі сустрэлі пратэстамі. Адбыліся сутычкі з паліцыяй — відэа
Сотні жыхароў Арменіі прынялі ўдзел у акцыях пратэсту ў дзень візіту расійскага прэзідэнта Уладзіміра Пуціна ў краіну.
Мітынгоўцы выступалі супраць узмацнення сувязяў Ерэвана з Расіяй на фоне падзей у Кіеве і планаў Арменіі ўступіць у Мытны саюз, паведамляе Бі-Бі-Сі.
У руках у актывістаў, якія прайшлі маршам па вуліцах Ерэвана, былі сцягі з надпісамі «Putin go home»,»Еўра Арменія», «Мы — гаспадары нашай краіны» і «No to the USSR».
Як паведамляе армянскае агенцтва news.am, у часе шэсця адбыліся сутычкі з паліцыяй, ёсць затрыманыя.
Пуцін падчас візіту заявіў, што Расія мае намер умацоўваць свае пазіцыі ў Закаўказзі і «адсюль ніколі сыходзіць не збіралася».
У верасні ўлады Арменіі заявілі пра намер далучыцца да МС, Еўрасаюз выказаў расчараванне гэтым рашэннем.
Цяпер чытаюць
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону34
Каментары