Адзін з самых папулярных навінных парталаў Беларусі, Onliner.by, фактычна праігнараваў самую абмяркоўваную падзею дня – пратэсты кіроўцаў супраць падатку на аўтамабілі.
«Рух у цэнтры горада ўвечары быў моцна ўскладнены. Магчыма, прычынай гэтаму стала акцыя кіроўцаў», — намякнулі журналісты Анлайнера.
Сайт на чале з рэдактарам Дзянісам Блішчом пазіцыянуе сябе апалітычным, але не ўпусціў магчымасць узгадаць пра акцыю, там самым набраць жаданыя прагляды, каментары і «лайкі». У нейкай ступені гэта атрымалася – каля 30 тысяч праглядаў і каля 700 каментароў.
Аднак спроба асвятлення пратэстаў падалася чытачам ганебнай.
«У анлайнера ачко згуляла» (120 лайкаў), «анлайнер сцыкліва апісвае ўсё» (112 лайкаў), «мда, анлайнер на шляху заваявання прыхільнікаў саўбеліі і бт)). Коўзкая дарожка… (41 лайк),
«На жаль, Onliner губляе вагу ў вачах грамадства, але хлопцам на праспекце рэспект!!!» (82 лайкі), «Анлайнер як індыкатар беларуса. Такі ж сцыклівы, нахабны і пафігістычны, калі справа датычыцца ягоных нікчэмных капеек… Трэба ж «Магчыма»… А чаго ўвогуле пісалі? (51 лайк), «Анлайнер скаціўся да ўзроўню студэнтаў-мадэратараў… ужо толькі пра катоў і пішуць… зараз набягуць, усіх забаняць… цьфу…» (44 лайкі). І гэта толькі частка водгукаў чытачоў.
Да гонару рэдакцыі, негатыўныя каментары выдаленыя не былі. Прыбралі толькі ўзгадку Анлайнера ў параўнанні са смялейшым канкурэнтам Тут.баем.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары