Месца ў чарзе да Дароў вешчуноў прадаюць за 800 тыс., пакуль яго купіў толькі адзін чалавек
17 студзеня ў Мінск былі дастаўлены Дары валхвоў. Адно з агенцтваў прапанавала купляць месца ў шэрагах паломнікаў за 800 тысяч рублёў, каб не стаяць на марозе. Пакуль гэтай паслугай скарыстаўся толькі адзін чалавек, паведаміў прадстаўнік агенцтва Ігар Данін.
Пасля прыбыцця Дароў ў Мінск у агенцтва паступіла каля 10 тэлефанаванняў, аднак амаль усіх не задаволіла цана — ад 600 тыс. да 1 мільёна рублёў. Першым і адзіным кліентам стаў мужчына, які купіў месца ў чарзе для сваёй мамы за 800 тысяч рублёў.
«Мы занялі месца на досвітку, і былі аднымі з першых. Чалавек падышоў да самага адкрыцця варотаў у Доме міласэрнасці», — патлумачыў Данін.
Даўшы ў інтэрнэце аб'яву ён разлічваў на большую колькасць кліентаў.
Каментары