Агонь спапяліў хвою. Дзякуючы шчасьліваму выпадку — стаяла бязьветранае надвор’е — полымя не перакінулася на суседнія дрэвы.
Карэспандэнт БелаПАН прадухіліў пажар у Курапатах. Калі журналіст прыбыў у Курапаты, сасна ўжо дагарала, полымя «выядала» яе смалісты камель знутры. Але, мяркуючы па счарнелым камлі, усё дрэва было ахоплена полымем. Дзякуючы шчасліваму выпадку — стаяла бязветранае надвор’е — полымя не перакінулася на суседнія дрэвы.
На паляне засталіся сляды прысутнасці кампаніі адпачывальнікаў: вогнішча, бярвёны вакол яго і двухлітровая пластыкавая бутэлька з‑пад піва. Можна меркаваць, што дрэва загарэлася з‑за неасцярожнасці падлеткаў. Але нельга выключаць і наўмыснага падпалу. Бо, нагадаем, месца пакутніцкай смерці ад сталінскіх душагубаў тысяч нашых суграмадзян на ўскрайку ўжо не раз зазнавала акты вандалізму: знічтожаны «Крыж Пакутаў», не аднойчы апаганьвалася Лава Клінтана, падараваная ад імя амерыканскага народа прэзідэнтам ЗША, увесь час руйнуюць і вырываюць з зямлі ўсталяваныя тут драўляныя крыжы.
Ня ведаем, што робім?..
Каментары