Хвароба прэзідэнта Украіны Віктара Януковіча на мінулым тыдні была звязана з нежаданнем сустракацца з групай еўрадэпутатаў, якія наведвалі Кіеў. Так мяркуе старшыня Камітэта па замежных справах Еўрапарламента Эльмар Брок.
«Мы сустрэліся з лідарамі апазіцыі. Мы сустрэліся з міністрам замежных спраў Кажарам. Мы сустрэліся са спадаром Клюевым, вельмі ўплывовым кіраўніком адміністрацыі прэзідэнта», — распавёў ён, падводзячы вынікі візіту дэлегацыі з 12 дэпутатаў ад усіх сямі палітычных груп ЕП у Кіеў 28—30 студзеня.
«Павінна быць сустрэча і з прэзідэнтам Януковічам, але ён захварэў», — сказаў Брок, які прадстаўляе ў Еўрапарламенце Нямеччыну.
«Як толькі мы пакінулі Кіеў, прэзідэнт Януковіч раптам ачуняў», — адзначыў еўрадэпутат на прэс-канферэнцыі ў Страсбургу падчас сесіі Еўрапарламента.
Брок, вядомы сваімі крытычнымі заявамі ў адрас ўкраінскай улады, таксама сказаў, што Януковіч «губляе падтрымку свайго народа. Ён губляе падтрымку сваёй партыі».
Януковіч знаходзіўся на бальнічным з 30 студзеня па 3 лютага з-за вострага рэспіраторнага захворвання.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары