Новы лідар венесуэльскай апазіцыі Леапольда Лопес заклікаў суграмадзян выйсці на марш пратэсту 18 лютага і паабяцаў прыйсці на акцыю сам. Відэазварот палітыка з'явіўся ў ноч на панядзелак, 17 лютага, у яго мікраблогу.
Марш, па словах Лопеса, павінен прайсці ад плошчы Венесуэлы ў Каракасе да будынка міністэрства юстыцыі, «якое стала сімвалам рэпрэсій, катаванняў і хлусні». Апазіцыянер папрасіў прыхільнікаў надзець белае, каб пацвердзіць сваю прыхільнасць мірнаму дыялогу.
Лопес сфармуляваў тры патрабаванні да ўладаў.
Па-першае, неабходна расследаваць гібель людзей 12 лютага па-другое, вызваліць студэнтаў, затрыманых за ўдзел у пратэстах, і, па-трэцяе, раззброіць праўрадавыя ваенізаваныя групоўкі.
«Нарэшце, я буду там сам, каб паказаць свой твар. Мне няма чаго баяцца. Я не здзейсніў ніякіх злачынстваў. Калі ёсць загад незаконна мяне арыштаваць, што ж, я буду там», — дадаў палітык.
Месцазнаходжанне апазіцыянера невядома з серады. Як нагадвае BBC News, раней у нядзелю паліцыя абшукала дома Лопеса і яго бацькоў. Неўзабаве пасля гэтага ён напісаў у сваім твітэры, звяртаючыся да прэзідэнта Венесуэлы Нікаласа Мадуры:
«Паслухай, Мадура, ты баязлівец. Ты не прымусіш падпарадкавацца ні мяне, ні маю сям'ю. Маёй сям'і: трымайцеся, я вас люблю».
Мадура усклаў адказнасць за беспарадкі ў Каракасе, у выніку якіх загінулі тры чалавекі і больш за 60 былі параненыя, на Лопеса.
Масавыя акцыі пратэсту пачаліся пасля арышту удзельнікаў студэнцкіх дэманстрацый, якія працягваюцца ў розных рэгіёнах краіны з пачатку лютага.
Гэта самыя сур'ёзныя выступы супраць палітыкі Мадуры з моманту яго прыходу да ўлады вясной 2013 года. Але ў Каракасе па-ранейшаму пратэстуюць толькі ўсходнія раёны сталіцы, дзе жыве сярэдні клас.
Цяпер чытаюць
Школу для дзяцей з псіхічнымі асаблівасцямі ў Мінску пераробяць у кадэцкае вучылішча. Да рэалізацыі ішлі 18 гадоў12
Каментары