50-хвілінная прамова прэзідэнта РФ, у якой ён тлумачыў, чаму Крым і Севастопаль павінныя ўвайсці ў склад Расіі, шматкроць перарывалася авацыямі.
Некаторыя выказванні віталіся стоячы. «Гэта гістарычны момант», — захапляліся людзі, якія выходзілі з Георгіеўскай залы Крамля, дзе выступаў Пуцін.
Кіраўнік пракрамлёўскага фонду ІСЭПІ Дзмітрый Бардоўскі лічыць, што выступ Пуціна і далучэнне Крыма лішні раз падкрэсліваюць, што базавы артыкул перадвыбарчай кампаніі Пуціна ў 2012 г. невыпадкова называўся (услед за вядомым выказваннем канцлера Гарчакова пасля Крымскай вайны) «Расія засяроджваецца»: у ім канстатавалася, што постсавецкі перыяд у развіцці краіны і ўсяго свету завершаны і вычарпаны.
Дзеянні Расіі — сапраўды спроба перагледзець сістэму міжнародных адносін пасля халоднай вайны, лічыць Марыя Ліпман з Карнегі-цэнтра. Відавочна, пачынаецца перыяд новай канфрантацыі на міжнароднай арэне, канстатуе эксперт.
Расія на сваім полюсе пакуль адна, тыя краіны, што не гатовыя падтрымаць ЗША, не гатовыя падтрымаць і Расію, у іх у саміх тэрытарыяльныя праблемы, нагадвае Ліпман.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары