Аб'ёмаў газу, які самастойна здабывае Украіна, не дастаткова для забеспячэння патрэбаў насельніцтва, таму Украіна імпартуе некаторы аб'ём газ для задавальнення гэтых патрэбаў.
Пра гэта заявіў міністр энергетыкі і вугальнай прамысловасці Юры Продан ў Бруселі.
«Украінскага газу недастаткова на сёння, каб забяспечыць неабходныя патрэбы насельніцтва. Яго не хапае ў аб'ёме 8,2 млрд. кубаметраў (у год — рэд.)», — канстатаваў міністр.
Ён патлумачыў, што газ ўласнай здабычы, які ідзе на патрэбы насельніцтва, выкарыстоўваецца ў газавых плітах, калонках, індывідуальным ацяпленні дамоў. На сёння, паводле яго словаў, такога газу неабходна ў аб'ёме 17 млрд кубаметраў у год.
Ён нагадаў, што гэты газ краіна купляе за 268,5 доларў за тысячу кубаметраў.
«Гэты газ ідзе выключна для выпрацоўкі цяпла для насельніцтва», — дадаў Продан.
Таму, патлумачыў сітуацыю міністр, Украіна выкарыстоўвае частку імпартнага газу — менавіта ў аб'ёме 8,2 млрд. кубаметраў у год, які ідзе на забеспячэнне патрэбаў насельніцтва.
«І гэты газ дарагі на сёння. Цяпер стаіць задача збалансаваць кошты на цяпло з коштам тагой газу, якая ідзе на патрэбы выпрацоўкі цеплавой энергіі», — спрагназаваў міністр, кажучы пра перспектывы павышэння тарыфаў на газу для насельніцтва.
Пасля сустрэчы міністра з еўракамісарам па пытаннях энергетыкі Гюнтэрам Отынгерам ў Брусэлі бакі не выключылі, што ў красавіку кошт на расійскі газ для насельніцтва можа вырасці да 500 долараў за тыс. кубаметраў, калі Масква адменіць зніжку ў 100 дол., прадугледжаную дадаткам да пагаднення аб базаванні Чарнаморскага флоту.
У той жа час Продан заявіў пра гатоўнасць нямецкай кампаніі RWE экспартаваць ва Украіну да 20 млрд. кубаметраў газу ў год.
Кошт яго на еўрапейскім рынку можа вагацца ад 370 да 400 долараў за тыс. кубаметраў.
Таксама было заяўлена аб падпісанні ўжо на наступным тыдні пагаднення са Славакіяй аб рэверсіўным забеспячэнні газам Украіны, якое можа ажыццяўляцца тэхнічна да канца 2014 года.
-
Ізраіль ліквідаваў камандуючага сіламі спецыяльнага прызначэння КВІР Макадама, якога падазравалі ў арганізацыі замаху на Трампа
-
Цырымонія развітання з Хаменеі перанесена «па шматлікіх просьбах грамадзян»
-
Актыўны палітык з ідэямі ісламскай рэвалюцыі, больш радыкальны, чым бацька. Хто такі Маджтаба Хаменеі
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары