Расія рыхтуецца пабудаваць новы газаправод у Крым. Пра гэта паведаміў губернатар Томскай вобласці, экс-кіраўнік «Газпром трансгаз Краснадар» Сяргей Жвачкін.
Паводле яго словаў, газаправод у Крым з Расіі можа быць пабудаваны па адным з двух варыянтаў.
«Ёсць станіца Казачая, не даходзячы ад Анапы, — там будуецца новая кампрэсарная станцыя. (Ад яе — рэд.) можна ісці праз Керчанскі праліў і праз Тамань», — распавёў Жвачкін.
Другі варыянт, паводле яго слоў, гэта газаправод, які правядуць па дне Чорнага мора.
На думку Жвачкина, пабудаваць газаправод у Крыме можна за год-паўтары.
Разам з тым экс-менеджэр «Газпрома» нагадаў, што Крым здабывае газу больш, чым спажывае.
«Здабыча цалкам закрывае іх патрэбы. Тое, што пішуць — трэба 4,5 мільярды кубоў — гэта маюцца на ўвазе будучыя электрастанцыі для генерацыі магутнасці», — сказаў ён.
«Я як тэхнічны інжынер не бачу праблем, скажам, за 10 дзён кінуць кабель па дне Чорнага мора і вырашыць праблему энергетыкі праз Керчанскі праліў», — адзначыў ён.
Як вядома, АРК атрымлівае ваду, электрычнасць і газ з кантынентальнай часкі Украіны.
Цяпер чытаюць
Адвакат Дзмітрый Лепрэтар расказаў пра белыя плямы ў справе аб тэракце ў метро7
Каментары