Глобус, Рублеўская, Дубавец і іншыя: аб’яўлены лонг-ліст прэміі Гедройца
Журы абвесціла доўгі спіс (12 кніг), якія працягнуць змаганне за прэмію Гедройца.
Туды ўвайшлі:
«Музы і свінні» Уладзіслава Ахроменкі,
«Хвілінка» Ігара Бабкова,
«Дараванне. Прощение. Vergebung» Алены Брава,
«Разбітае сэрца Вітаўта» Сяргея Верацілы,
«Казкі пра дарослых» Адама Глобуса,
«Errata» Сяргея Дубаўца,
«Шклатара» Артура Клінава,
«Зкімбы-зымбы» Аляксандра Лукашука,
«Багун» Вінцэся Мудрова,
«Сарочае радыё» Кацярыны Оаро,
«Ночы на Плябанскіх млынах» Людмілы Рублеўскай,
«Смерць лесбіянкі» Наталкі Харытанюк.
Усе кнігі прадстаўленыя ў папяровай версіі. Усе (акрамя выдання Вінцэся Мудрова, якое пабачыла свет у Полацку), надрукаваныя ў сталіцы.
Сярод выдавецтваў у лідарах «Логвінаў» (кнігі Ігара Бабкова, Адама Глобуса, Сяргея Дубаўца, Артура Клінава).
З 1 красавіка да 15 мая пройдуць публічныя прэзентацыі ўсіх 12 кніг доўгага спісу.
Наступным этапам прэміі стане абвяшчэнне кароткага спісу (шорт-ліста), у які трапяць 6 кніг. Ён будзе абвешчаны не пазней за 15 мая.
Вынікі трэцяй прэміі імя Гедройца будуць аб’яўлены ў чэрвені.
Цяпер чытаюць
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк17
Каментары