Выйсьці на волю хлопец мусіў ужо праз месяц.
У аўторак увечары самаму маладому палітвязню Беларусі Артуру Фінькевічу было афіцыйна прад’яўленае новае абвінавачванне. Следчы Аляксандр Лескавец у прысутнасці адвакаткі абвесціў, што следчыя дзеянні скончаныя і маюцца доказы віны. Маладафронтаўца абвінавачваюць у парушэнні арт. 415 КК РБ «Адмова ад адбывання пакарання ў выглядзе абмежавання волі».
Крымінальная справа была ўзбуджаная пасля таго, як юнак атрымаў ад кіраўніцтва магілёўскай спецкамендатуры чацвёртае папярэджанне за парушэнне рэжыму. Падчас папярэдняга следства Артур Фінькевіч часткова прызнаў сваю віну.
Азнаямленне з матэрыяламі справы распачнецца праз тыдзень. Суд, як мяркуецца, адбудзецца праз месяц. Згодна з нормамі Крымінальнага кодэксу палітвязню пагражае пазбаўленне волі тэрмінам ад 6 месяцаў да 3 гадоў з адбываннем пакарання ў калоніі агульнага рэжыму.
Нагадаем, вясной 2006 года Артура Фінькевіча пакаралі двума гадамі «хіміі» за палітычныя графіці. Тэрмін ён адбывае ў Магілёўскай выпраўленчай установе адкрытага тыпу №43. Выйсці на волю хлопец мусіў ужо праз месяц.
Фота Юліі Дарашкевіч
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?1
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары