Прарэктар пэдунівэрсытэту замяніў у Цэнтравыбаркаме Ўладзімера Холада.
Прарэктар Беларускага пэдагагічнага ўнівэрсытэту імя Максыма Танка Васіль Бушчык прызначаны сябрам Цэнтральнай камісіі Беларусі па выбарах і правядзеньню рэспубліканскіх рэфэрэндумаў. Адпаведны ўказ падпісаў Аляксандар Лукашэнка.
Такім чынам, Цэнтарвыбаркам, які складаецца з 12-ці чалавек, зноў будзе ў поўным складзе.
Вакансія ў гэтай структуры з’явілася пасьля таго, як сябра камісіі, на той час намесьнік начальніка Галоўнага ідэалягічнага ўпраўленьня Адміністрацыі прэзыдэнта Ўладзімер Холад быў затрыманы за хабар. Праз некалькі дзён ён напісаў заяву аб звальненьні з ЦВК па ўласным жаданьні. 25 верасьня крымінальную справу Ўладзімера Холада накіравалі ў Вярхоўны суд.
З 12-ці супрацоўнікаў ЦВК толькі двое – старшыня Лідзія Ярмошына і сакратар Мікалай Лазавік працуюць на штатнай аснове. Астатнія 10 сумяшчаюць працу ў Цэнтарвыбаркаме з асноўнай працай.
Каментары