Назвалі імёны двух рэцыдывістаў, якія прэсуюць вязняў у гродзенскай турме
Адзін з іх сядзіць за расправу над пенсіянеркамі на хутары, другі — за групавое забойства.
«Прэс-хаты» — гэта закрытыя камеры, дзе да вязняў, каб зламаць іх волю, адміністрацыя наўмысна падсаджвае правераных крымінальнікаў.
З дапамогай інфармацыі ад былых палітвязняў удалося даведацца імёны тых, хто быў прэсаўшчыкамі ў гродзенскай турме №1. Відэа пра іх выйшла на ютуб-канале «Партызанская хваля». Звесткамі пра мужчын падзяліліся таксама «Кіберпартызаны».
Першы з іх — Вальтэр Аляксандр Аляксандравіч, 1990 года нараджэння. У красавіку 2010 года 19‑гадовы Вальтар разам з 41‑гадовым паплечнікам здзейсніў адно з гучных злачынстваў таго часу ў Слонімскім раёне. У вёсцы Забулле яны напалі на хутар, дзе жылі дзве пажылыя сястры — 78 і 75 гадоў.
Дзеля грошай Вальтэр разам з суўдзельнікам нанеслі ім множныя колатыя раны ў твар, шыю і грудзі. Абедзве жанчыны памерлі на месцы ад атрыманых ран.
Як сцвярджаецца ў расследаванні, падчас адбыцця пакарання ў калоніі ў Навасадах Вальтэр страціў свой крымінальны статус і апынуўся ў найніжэйшым саслоўі зняволеных. Менавіта гэты момант зрабіў яго ідэальным інструментам для аператыўных супрацоўнікаў МУС. Узамен за працу ў «прэс-хатах» мужчына атрымлівае гарантыі бяспекі і дробныя бытавыя прывілеі, якія недаступныя звычайным зняволеным.
Другі выканаўца заданняў адміністрацыі ў «прэс-хаце» — Дзмітрый Міхайлавіч Крывашэеў, 1982 года нараджэння. Крымінальная гісторыя ураджэнца Жлобіна пачалася ва ўзросце 18 гадоў. Крывашэеў доўгі час быў бяздомным і меў цэлы шлейф судзімасцяў за крадзяжы, рабаванні і хуліганства.
Упершыню Крывашэеў быў асуджаны ў 2000 годзе судом Жлобінскага раёна — тады яму прызначылі 1 год і 6 месяцаў выпраўленчых работ. Неўзабаве пасля адбыцця пакарання, у кастрычніку 2003 года, ён зноў апынуўся на лаве падсудных: суд Буда-Кашалёўскага раёна прысудзіў яму два гады абмежавання волі за крадзеж. Аднак ужо ў студзені 2004 года за хуліганства Крывашэеў атрымаў 2 гады і 3 месяцы пазбаўлення волі. У тым жа годзе ён трапіў пад амністыю і ў снежні быў вызвалены ўмоўна-датэрмінова.
На свабодзе рэцыдывіст прабыў нядоўга: у красавіку наступнага года ён зноў трапіў у калонію строгага рэжыму за чарговы крадзеж. Пасля чарговага вызвалення, у перыяд з сакавіка па ліпень 2009 года, Крывашэеў здзейсніў шэраг крадзяжоў і рабаванне, за што атрымаў 3 гады і 6 месяцаў зняволення. Але на волі пасля вызвалення зноў прабыў нядоўга. У кастрычніку 2012 года суд Фрунзенскага раёна Мінска прысудзіў яму 2 гады строгага рэжыму за крадзеж.
Канчатковай кропкай стаў верасень 2016 года: Дзмітрыя Крывашэева прызналі вінаватым у групавым забойстве, учыненым з асаблівай жорсткасцю. Яму было прызначана пакаранне ў выглядзе 16 гадоў пазбаўлення волі ў калоніі строгага рэжыму, а таксама прымусовае лячэнне ад алкагалізму.
Абодва мужчыны, як сцвярджаецца, працуюць пад куратарствам супрацоўнікаў аператыўнага аддзела турмы №1 — Аляксея Тарана, Сяргея Сыраваткіна і Ігара Якубені.
У Слонімскім раёне жорстка забіты дзве пенсіянеркі
Абвінавачаны па «справе 17» быў пераведзены ў «прэс-камеру» і ўскрыў вены пасля пагрозаў
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно
За забойства чалавека ў ІЧУ Барысава арыштавалі двух зэкаў-рэцыдывістаў і 26‑гадовага міліцыянера Кляшчонка
Ціханоўская: Дзеці не пераехалі ў ЗША, а проста часова будуць з татам дзеля бяспекі39
Каментары