Былога палітвязня Зьмітра Дашкевіча пакаралі на 15 і 10 сутак паводле двух пратаколаў пра парушэнне правілаў нагляду і пра непадпарадкаванне міліцыі.
На судзе Дашкевіч прызнаў, што спазніўся дамоў, бо затрымаўся на працы. Аднак ён назваў хлуснёй заявы міліцыянтаў пра непадпарадкаванне.
«Няма што каментаваць, нейкі абсурд. Звязана з магчымай актыўнасцю Маладога фронту перад Чарнобыльскім шляхам і Чэмпіянатам свету па хакеі», — заявіў Дашкевіч пасля таго, як суддзя Юры Гарбатоўскі абвесціў сваё рашэнне.
Дашкевічу забаронена пакідаць месца жыхарства з 20 да 6 гадзін.
Былога палітвязня затрымалі вечарам 24 красавіка, калі ён вяртаўся дахаты.
Прэвентыўны нагляд над Змітром Дашкевічам павінен скончыцца 28 мая.
28 жніўня 2013 года Зміцер Дашкевіч выйшаў на волю з гарадзенскай турмы № 1 пасьля амаль трохгадовага зняволення. Яго арыштавалі напярэдадні апошніх прэзідэнцкіх выбараў, 18 снежня 2010 года, і асудзілі на два гады спачатку за «асабліва злоснае хуліганства», а пасля — за «злоснае непадпарадкаванне патрабаванням адміністрацыі папраўчай установы».
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»6
Каментары