Андрэй Расінскі. Кадры22

«Загана на экспарт»

Пясьняр мутацый дасьледуе інвазію чужой культуры – і дваістую прыроду чалавека.

posterЗагана на экспарт / Усходнія абяцаньні (Eastern Promises)
Вялікабрытанія – Канада – ЗША, 2007, каляровы, 100 хв.
Рэжысэр: Дэйвід Кронэнбэрг
Ролі выконваюць: Наомі Ўотс, Віга Мортэнсэн, Вэнсан Касэль, Армін Мюлер-Шталь, Ежы Скалімоўскі, Шынэд К’юсак, Джэзэф Элцін, Міна Э.Міна
Жанр: Крымінальная драма
Прызы: Прыз глядацкіх сымпатый Дэйвіду Кронэнбэргу на МКФ у Таронта
Адзнака: 6,5 (з 10)

На Каляды непаўналетняя, пра якую ніхто нічога ня ведае, гіне ў лёнданскім шпіталі, нарадзіўшы дзіця. На руках у акушэркі Ганны (Наомі Ўотс) застаецца немаўля – і дзёньнік памерлай, які прыводзіць гераіню ў гняздо рускай мафіі…

Пясьняр мутацый Дэйвід Кронэнбэрг халаднавата й жорстка дасьледуе інвазію чужой культуры – і дваістую прыроду чалавека. Калі героі “Сканэраў”, “Мухі”, “Відэадрому” пакутавалі на цялесныя трансфармацыі й мэнтальныя катастрофы, то ахвярай “Усходніх абяцаньняў” стаецца горад.

Чырвоныя, чорныя, белыя вантробы рэстарацыі, брунатна-сьлізкая набярэжная, дзе топяць трупы, стэрыльна-ўтульныя пакоі сярэдняй клясы – і шокавы сваёй шараговасьцю крымінальны побыт.

Гістэрычны злачынны “прынц” Вэнсан Касэль, падкалодна-ласкавы “кароль” Армін Мюлер-Шталь – і манумэнтальны Віга Мортэнсэн, які ёсьць зусім ня тым, кім здаецца. У кожнага з герояў – двайное дно, і татуіроўкі на скуры ня скажуць праўды.

Хаця ад размаляванага Мортэнсэна шарахаліся рускія эмігранты, карціну папракнуць у “этнічных” недакладнасьцях. Менавіта ў Кронэнбэрга Мортэнсэн сыграў свае найлепшыя (і рызыкоўныя!) ролі. Фільм саступае папярэдняй “Гісторыі гвалту” – але ёсьць адметнай зьявай на беларускіх экранах.

У крымінальнай драме майстра хорару стрыманы – але сцэны, якія ён падрыхтаваў гледачу, вы не забудзеце.

Сэансы ў кінатэатры “Перамога” .

Кінатэрміны

Кінападзеі

Усе фільмы

Кінатворцы

Каментары2

Цяпер чытаюць

Трамп: 17 сістэм Patriot адправім ва Украіну8

Трамп: 17 сістэм Patriot адправім ва Украіну

Усе навіны →
Усе навіны

ГУБАЗіК заявіў пра затрыманне двух магілёўцаў: нібыта яны ехалі ў краіну з пашпартамі Новай Беларусі15

Ад чаявання з абаранкамі да песень пра «герояў СВА». Як Рускі дом прыносіць у Гродна рускі свет17

Беларускі верталёт Мі-24 збіў расійскі беспілотнік, які ляцеў ва Украіну8

Забойства палкоўніка СБУ ў Кіеве здзейснілі грамадзяне Азербайджана6

Жыхары аграгарадка звярнуліся да Лукашэнкі: дзіцячы садок закрываюць, а малых, нават двухгадовых, будуць вазіць за 20 км10

Як жыве просты мінскі зваршчык, які выйграў тры мільёны рублёў5

Куды аддаць сёлета сваіх дзяцей, каб яны вучыліся па-беларуску1

Краіны ЕС пагадзіліся знізіць цэнавае абмежаванне на расійскую нафту на 15 %

У Францыі зняволены змог збегчы з турмы — яго вынес у сумцы сукамернік, які вызваліўся

больш чытаных навін
больш лайканых навін

Трамп: 17 сістэм Patriot адправім ва Украіну8

Трамп: 17 сістэм Patriot адправім ва Украіну

Галоўнае
Усе навіны →

Заўвага:

 

 

 

 

Закрыць Паведаміць