«М.Ы.» — стужка спявачкі Мадонны пра закаханага караля
Вялікабрытанія, 2011, каляровы, 115 хв.
Рэжысёрка: спявачка Мадонна
Ролі выконваюць: Эбі Корніш, Андрэа Райзбара, Оскар Айсаак, Джэймс д’Арсі, Рычард Койл, Джэймс Фокс
Жанр: Меладрама
Адзнака: 3,5 (з 10)
Кароль Вялікабрытаніі Эдуард VIII і амерыканка Уоліс Сімпсан пабраліся шлюбам насуперак традыцыям і грамадзкаму меркаванню. Супрацоўніца «Сотбіс» Уоліс, названая ў гонар знакамітай амерыканкі, зачараваная гісторыяй рамантычнае пары. Уоліс Сімпсан, дзеля якой кароль выракся стальца, дапаможа гераіне ў цяжкой сямейнай сітуацыі…
Фільм паставіла Луіза Вераніка Чыконе, вядомая публіцы, як спявачка Мадонна.Амерыканская поп-зорка расказала пра лёс суайчынніцы, якая таксама была чужаніцай на Брытанскіх выспах. Карціна спрачаецца з нядаўняю стужкай «Кароль гаворыць», дзе Эдуард VIII і Уоліс Сімпсан — легкадумныя геданісты.
Рэжысёрка падрэслівае, што жанчына, якая трапляе ў казку, сама губляе прыватнае жыццё й становіцца аб’ектам пагарды.
Стужка спявачкі атрымалася халаднавата-грувасткай, з процьмай размыта-дзёрганых кадраў — і фальшываю каралеўскаю бутафорыяй. Але музычныя нумары й наіўная сучасная гісторыя — з закаханым рускім ахоўнікам — фільм ажыўляюць. Колішняя поп-скандалістка сцвярджае права жанчыны на простае сямейнае шчасце — і дзіця пад сэрцам.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары