У Ізраілі распрацаваны міні-сканер, які вызначае склад любога аб'екта
Ізраільская кампанія Consumer Physics распрацавала першы ў свеце партатыўны малекулярны сканер SCiO, які зможа імгненна вызначыць хімічны склад любога аб'екта, да якога будзе паднесены. Мініяцюрная прылада працуе на прынцыпе NIR-спектраскапіі (спектраскапіі блізкай інфрачырвонай вобласці).
Прылада, якая важыць усяго 20 грамаў, а па памерах ледзь пераўзыходзіць звычайную USB-флешку, зможа ў любы момант «сказаць», якую ваду мы п'ем, якім паветрам дыхаем і з якога матэрыялу пашытая наша вопратка. Журналісты ўжо паспелі ахрысціць прыладу «гуглам матэрыяльнага свету», а аматары фантастыкі параўноўваюць яго з ручнымі сканерамі з серыяла «Зорны шлях».
Прыбор падключаецца да смартфонаў і праводзіць хімічны аналіз рэчываў з дапамогай спецыяльных праграм. Да гэтага часу падобныя спектрографа выкарыстоўваліся толькі ў прамысловых лабараторыях і не былі даступныя для звычайнага спажыўца.
Праект новага гаджэта выклікаў вялікую цікавасць: на сайце KickStarter за два тыдні амаль 9000 чалавек выказалі гатоўнасць інвеставаць у яго ў агульнай суме $1,96 млн.
Продаж SCiO кампанія абяцае пачаць у студзені 2015 — з пробнай серыі з 300 асобнікаў. У цяперашні час сканер можна замовіць, уклаўшы ў праект $199.
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?10
Каментары