Аўтобус і аўтамабілі, якія не спыніліся каля блокпаста баевікоў каля Новаайдар у Луганскай вобласці, расстралялі з аўтаматаў. Інфармацыю пра гэтыя падзеі мясцовае выданне «Сегодня в Северодонецке» атрымала з дзвюх крыніц — са слоў пасажыра і мясцовых жыхароў.
Аўтобус, які выконваў рэйс Луганск — Севераданецк, трапіў пад абстрэл тэрарыстаў у раёне чыгуначнага пераезду ў Новаайдары. Увечары 26 мая каля 18.15 яго абагналі дзве легкавыя машыны. Аўтамабілі ішлі на хуткасці прыкладна 100 км/г і не знізілі яе перад блокпастом. Чый блокпост — пасажыры не зразумелі, але не Нацыянальнай гвардыі, так як украінскага сцяга на ім не было. З гэтага блокпаста па машынах наўздагон адкрылі стральбу, прастрэлілі колы, і тыя спыніліся. З іх сталі выскокваць людзі і выпаўзаць параненыя. Баевікі ў камуфляжы і масках пераследвалі ўцекачоў і паклалі іх тварам на зямлю. Пасля гэтага далі чаргой перад аўтобусам, і ён спыніўся.
Кіроўца сказаў пасажырам выбірацца вонкі. Пасажыры спрабавалі схавацца, паўзці, але адной з жанчын куля па датычнай садрала скуру з галавы, а мужчыну прастрэлілі нагу.
Людзі схаваліся за сценамі размешчанага побач кафэ, і гаспадар ўпусціў іх унутр, пасадзіўшы на падлогу, каб галовы былі ніжэй за ўзровень падваконнікаў.
Пацярпелі яшчэ двое — жанчына за рулём «Ланаса», які апынуўся ў эпіцэнтры падзей, і мясцовы жыхар. Жанчыне куля трапіла ў пазваночнік і пазней, калі пад'ехала мясцовая «хуткая», яе адправілі ў Луганск. Мясцовы жыхар атрымаў раненне галавы з выцяканне мазгавога рэчыва. Ён быў дастаўлены ў Новаайдарскі ФАП, дзе пакінуты, бо быў нетранспартабельны. Аднак сёння мужчына быў яшчэ жывы, стан стабілізаваўся і яго таксама даставілі ў Луганск.
Баевікі кінулі параненых і аднаго, як сцвярджаюць відавочцы, забітага ў аўтобус, развярнулі яго і, мабыць, вярнуліся на свой блокпост. Аўтобус вёў яго кіроўца.
Севераданчане змаглі вярнуцца дадому позна ўвечары на «бусіку», з гаспадаром якога дамовіўся па тэлефоне гаспадар кафэ. Амаль усе іх рэчы засталіся ў захопленым аўтобусе.
Цяпер чытаюць
«Калі б не «Вясна-1996, мы б былі Татарстанам». 30 гадоў таму беларусы ўжо пратэставалі супраць Лукашэнкі і Расіі — як гэта было5
Каментары