Гамельчука, які вывесіў на сваім доме ўкраінскі сцяг, наведаў міліцыянер «па скарзе грамадзян»
На прыватны падворак гомельскага грамадскага актывіста Канстанціна Жукоўскага 27 мая спрабаваў зайсці супрацоўнік міліцыі.
Над домам Жукоўскага, які размешчаны ў цэнтры горада, пастаянна ўзняты бел-чырвона-белы сцяг. Акрамя таго, на працягу апошніх некалькіх месяцаў грамадскі актывіст вывешваў над сваім домам дзяржаўны сцяг Украіны ў знак салідарнасці з народам гэтай краіны.
«Міліцыянер не назваўся, сказаў, што прыйшоў па просьбе грамадзян, якія паскардзіліся, што над маім домам вывешана «штосьці бандэраўскае», — расказаў Канстанцін Жукоўскі. — Я спытаў, колькі класаў у школе скончыў міліцыянер, ці ведае ён, хто такі Бандэра і які дзяржаўны сцяг у нашай братняй краіны Украіны. Але міліцыянер крыкнуў мне: «выйдзі, пагаворым». Я абурыўся, адказаўшы, што мы не ў Луганску ці Данецку, каб «выходзіць-размаўляць», пасля чаго ён пайшоў».
Паводле слоў Жукоўскага, такое стаўленне да дзяржаўнага сцяга Украіны абражае братні народ і яго асабіста. «Я сам напалову ўкраінец, і мне сорамна чуць, наколькі недасведчаныя могуць быць людзі», — сказаў гомельскі актывіст.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары