Авіякампанія «Расія» з 16 чэрвеня пачне лятаць з Мінска ў Санкт-Пецярбург
Авіякампанія «Расія» 16 чэрвеня адкрывае рэгулярны рэйс з Санкт-Пецярбурга (Пулкава) у Нацыянальны аэрапорт Мінск, паведамілі ў аэрапорце.
Палёты плануецца выконваць штодня на самалётах Ан-148. Вылет з Пулкава прызначаны на 08.50 па мясцовым часе. Час у дарозе складзе 1 гадзіну 40 хвілін.
«З адкрыццём паветраных зносін з Мінскам авіякампанія «Расія» пашырыць прадстаўніцкую маршрутную сетку ў гарадах СНД: цяпер на нашай карце палётаў з'явіцца дваццаць пяты горад і восьмая краіна блізкага замежжа», — паведамілі ў авіякампаніі.
Адкрытае акцыянернае таварыства «Авіякампанія «Расія» — адна з найбуйнейшых у РФ і вядучы авіяцыйны перавозчык ў Паўночна-Заходнім рэгіёне краіны. Базіруецца ў Санкт-Пецярбургу і выконвае каля 40% усіх авіяперавозак з аэрапорта Пулкава. Кампанія вядзе сваю гісторыю з 1934 года. З 2011 ААТ «Авіякампанія «Расія» уваходзіць у групу кампаній «Аэрафлот», сукупны пасажырапаток якой па выніках года склаў 20 млн чалавек.
Туск заявіў пра гатоўнасць адкрыць Баброўнікі і Кузніцу з лістапада63
Каментары