Непацверджаная інфармацыя: у начным баі пад Луганскам загінулі 15 вайскоўцаў, лёс яшчэ 13 невядомы
Ноччу падчас сутыкненняў з баявікамі на Луганшчыне былі забітыя 15 украінскіх сілавікоў, лёс яшчэ 13 невядомы.
Такія дадзеныя падала высокапастаўленая крыніца ў Міністэрстве абароны.
У прыватнасці, у начным баі ля пасёлка Шчасце загінулі 11 вайскоўцаў з 128-й горна-пяхотнай брыгады (Мукачава) і 80-га аэрамабільнага палка (Львоў).
У 24-м батальёне тэрытарыяльнай абароны забітыя чатыры вайскоўцы.
Акрамя таго, у 128-й горна-пяхотнай брыгадзе двое вайскоўцаў атрымалі раненні, у 80-м аэрамабільным палку — трое, у 24-м батальёне тэрытарыяльнай абароны — чацвёра.
Пры гэтым, па дадзеных крыніцы, лёс яшчэ 13 вайскоўцаў з частак АТА невядомы.
Па інфармацыі журналісткі Анастасіі Бярозы, інфармацыя «Зеркала недели» аб новых стратах каля Шчасця — праўдзівая.
Паводле яе слоў, у штабе АТА аб ахвярах вядома, але дадзеная каманда зверху нічога не паведамляць.
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою18
Каментары