Міжнародная федэрацыя гандбола абнародавала склады карзін перад лёсаваннем фінальнай часткі чэмпіянату свету-2015 у Катары.
Зборная Беларусі трапіла ў чацвёртую па сіле карзіну разам з камандамі Аўстрыі, Аргенціны і Чэхіі.
Склады астатніх пулаў:
1 — Іспанія, Францыя, Данія, Харватыя;
2 — Боснія і Герцагавіна, Польшча, Швецыя, Славенія;
3 — Расія, Катар, Македонія, Алжыр;
5 — Туніс, Егіпет, Бразілія, Бахрэйн;
6 — Іран, ААЭ, Чылі, Германія.
Лёсаванне фінальнага турніру сусветнага першынства 2015 года адбудзецца 20 ліпеня ў катарскай сталіцы горадзе Доха. На папярэднім этапе 24 яго ўдзельнікі будуць падзелены на 4 групы па 6 каманд у кожнай. Пасля завяршэння групавога раўнда барацьбу за ўзнагароды прадоўжаць па 4 лепшыя зборныя з кожнага секстэта.
Беларускія гандбалісты трэці раз у сваёй гісторыі згуляюць у ліку лепшых дружын планеты. У 1995 годзе беларусы, якіх трэніраваў Спартак Мірановіч, занялі 9-е падагульняючае месца, а на мінулым сусветным першынстве, якое праходзіла ў 2013 годзе ў Іспаніі, каманда пад кіраўніцтвам Юрыя Шаўцова фінішавала 15-й, уступіўшы ў 1/8 фіналу харватам (24:33), што пасля сталі ўладальнікамі бронзавых медалёў. Дзеючым чэмпіёнам свету з'яўляецца іспанская зборная, яна перамагла ў вырашальным паядынку за залатую ўзнагароду датчан (35:19).
Гэты сусветны чэмпіянат пройдзе ў студзені 2015 года.
-
Трэнер, які прывёў клуб да срэбра ў чэмпіянаце Беларусі, будзе трэніраваць каманду з пятага дывізіёна першынства Польшчы
-
Форвард мінскага «Дынама» Дылан Дзюбэ і яшчэ чатыры хакеісты прызнаныя невінаватымі па справе аб сэксуальным гвалце
-
Галоўны трэнер «Нёмана» выканаў дзіўны танец пасля перамогі ў матчы Лігі канферэнцый
Цяпер чытаюць
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе36
Каментары